ՀԱՅԱՍՏԱՆԻ ՍԱՀՄԱՆԸ ՀԱՏԱԾ ԹՈՒՐՔԸ ՎԵՐԱԴԱՐՁԱԾ Է ՀԱՅՐԵՆԻՔ

0

«Տէյլի Նիւզ»ը յղում կատարելով թրքական «Անատոլու» գործակալութեան կը յայտնէ, որ 24 Յուլիսէն Հայաստանի ուժային կառոյցներու հսկողութեան տակ գտնուող ու վերջերս ազատ արձակուած թուրք տղան վերադարձած է Թուրքիա:
Ումութ Ալի Օզմէն հատած է վրաց-թրքական սահմանը` հասնելով մինչեւ հիւսիս-արեւտմեան Արտահան նահանգի Թիւրգիոզիու սահմանամերձ բնակավայրը: Ճամբորդութեան ընթացքին 16-ամեայ երիտասարդին ուղեկցած է անոր հայրը` Մուսթաֆա Օզմէնը:
Օզմէն, որ իր ընտանիքին հետ կ’ապրի Թուրքիոյ հիւսիս-արեւմտեան Կարս նահանգի Աքեաքա բնակավայրին մէջ, հայկական անվտանգութեան ուժերու կողմէն բերման ենթարկուած էր 24 Յուլիսին, երբ, ըստ թրքական սահմանապահ դիրքի տեսանկարահանող գործիքներու տեսագրութեան, Շիշ թմբի մօտ հօտը արածելու ընթացքին հատած էր սահմանը:
Օզմէն ազատ արձակուած է 25 Սեպտեմբերին:
Քանի որ Թուրքիան ու Հայաստանը պատմական տարակարծութիւններու պատճառով չունին դիւանագիտական յարաբերութիւններ, Վրաստանը այս հարցին մէջ հանդէս եկած է որպէս միջնորդ:
16-ամեայ պատանիին ու անոր հօրը Թիւրգիոզիւի սահմանային անցակէտին մօտ դիմաւորած են Պոսոֆի նահանգապետ Էնվէր Իլմազոմ եւ Պոսոֆի քաղաքապետ Կախիթ Ուլկարոմ:

Share.

Leave A Reply

This site uses Akismet to reduce spam. Learn how your comment data is processed.