ՄԱՐԶԱԿԱՆ՝ Սեպտեմբեր Դ./2018

0

ՏԵՂԱԿԱՆ

 

Մակի Տօնապետեան ՀՄԸՄի Պասքեթի Աղջկանց Խումբի Մարզիչ Նշանակուեցաւ

 

Անցեալ շաբթուան ընթացքին ՀՄԸՄ-ի պասքեթի աղջկանց խումբը, նախապատրաստուելով Սուրիոյ Բ. դասակարգի աղջկանց ախոյեանական մրցումներուն, սկսաւ կատարել իր հերթական փորձերը՝ մարզիչ ունենալով Մակի Տօնապետեանը:

Խումբի խաղցողները բարձր տրամադրութեամբ եւ մեծ թափով ներկայացան փորձերուն: Աւելցնենք, որ Մակի Տօնապետեան երկար տարիներ մաս կազմած է ՀՄԸՄ-ի պասքեթի աղջկանց բոլոր տարիքային խումբերուն, նաեւ առաջին խումբին՝ վարելով խմբապետի պաշտօնը: Որպէս խաղցող, ան ՀՄԸՄ-ի աղջկանց խումբին հետ տիրացած է Սուրիոյ ախոյեանութեան եւ նախագահի բաժակին: Եղած է նաեւ Սուրիոյ հաւաքականի խաղցող:

 

ՀԱՅԿԱԿԱՆ

 Արամ Աւագեան Պահեց Իր Տիտղոսը

Մոսկուայի մէջ տեղի ունեցած արհեստավարժ բռնցքամարտի երեկոյին  մասնակցեցաւ նաեւ հայ արհեստավարժ բռնցքամարտիկ Արամ Աւագեան: Հայ մարզիկը մրցակից ունեցաւ Ռուսիան ներկայացնող ուժեղագոյն բռնցքամարտիկներէն մէկը՝ Եւգենի Սմիռնովը: Մրցավարներու որոշումին համաձայն, մենամարտը աւարտին հասաւ հաւասար արդիւնքով:Այսպիսով, Աւագեան 8 անընդմէջ յաղթանակներէ ետք պահպանեց իր ստացած WBC Internationl Silver գօտին:

Ռաֆֆի Սիւլահեան

 

Share.

Leave A Reply

This site uses Akismet to reduce spam. Learn how your comment data is processed.