ՀԱՅ ԴԱՏԻ ՅԱՆՁՆԱԽՈՒՄԲԸ ՀԱՆԴԻՊԵՑԱՒ ՔԱՆԱՏԱ-ՀԱՅԱՍՏԱՆ ԽՈՐՀՐԴԱՐԱՆԱԿԱՆ ԽՄԲԱԿՑՈՒԹԵԱՆ ԱՏԵՆԱՊԵՏ՝ ԵՐԵՍՓՈԽԱՆ ՊՐԱՅԸՆ ՄԷՅԻ ՀԵՏ

0

«Հորիզոն».- Չորեքշաբթի, 26 Սեպտեմբերին, Հայ Դատի Յանձնախումբի Օթթաուայի գրասենեակի գործավար, ընկ. Սեւակ Պէլեան, Օթթաուայի մէջ աշխատանքային հանդիպում մը ունեցաւ Քանատա-Հայաստան Խորհրդարանական Խմբակցութեան ատենապետ՝ Երեսփոխան Պրայըն Մէյի հետ:

Կողմերը մանրամասնօրէն քննարկեցին Վարչապետ Ճասթըն Թրուտոյի Երեւան կատարելիք յառաջիկայ այցելութիւնը եւ այս իմաստով, Հայ Դատի Յանձնախումբի առաջնահերթութիւններն ու ակնկալիքները: Անոնք նաեւ յատուկ անդրադարձ կատարեցին Քանատա-Հայաստան փոխյարաբերութեանց տարբեր ոլորտներու զարգացան հոլովոյթին եւ յառաջիկայ ծրագիրներուն

Նաեւ քննարկում եւ ծրագրաւորում տեղի ունեցաւ խորհրդարանական ներկայ նստաշրջանի ընթացքին կատարուելիք խմբակցութեան աշխատանքներուն, ծրագիրներուն եւ Հայ Դատի այլ առաջնահերթութեանց վերաբերեալ:

Շաբթուան ընթացքին, վերոնշեալ հարցերու ուղղութեամբ, Հայ դատի գրասենեակը նաեւ շարք մը այլ հանդիպումներ ունեցաւ կառավարական բարձրաստիճան պաշտօնատարներու հետ:

Share.

Leave A Reply

This site uses Akismet to reduce spam. Learn how your comment data is processed.