ՀՄԸՄ-Ի ԳԱՄԻՇԼԻԻ ՄԱՍՆԱՃԻՒՂԻ ՏԱՐԵԿԱՆ ԲԱՆԱԿՈՒՄ

0

ՀՄԸՄ-ի Գամիշլիի Մասնաճիւղի տարեկան բանակումը տեղի ունեցաւ 14-15-16 Սեպտեմբեր 2018-ին, Սուրիան կաթողիկէներու Ս.Աստուածածին ուխտավայրը, մասնակցութեամբ 38 քոյր-եղբայրներու եւ բանակումի ընդհ. պատասխանատու քոյր Նանար Սարգիսեանի։ Բանակումը նուիրուած էր ՀՄԸՄ-ի հիմնադրութեան 100-ամեակին (դարեկան բանակում)։

Բանակումի ընթացքին գործադրուեցաւ ՀՄԸՄ-ի 100-ամեակին նուիրուած յատուկ յայտագիր՝ դասախօսութիւն, պատի թերթի պատրաստութիւն, երգի ուսուցում եւ ռալիի մրցում։ Փոխանցուեցան ՀՄԸՄ-ի պատմութեան եւ առաքելութեան առնչուող նիւթեր։ Կազմակերպուած քայլարշաւը դէպի Տըմխիա գիւղը կրկնապատկեց սկաուտներուն խանդավառութիւնը, իսկ պահակութիւնն ու բանակավայրի գիշերային ժամերու պաշտպանութեան փորձերը մասնակիցներուն ինքնավստահութիւն ներշնրեցին։

Վերջին օրը, խարուկահանդէսին ներկայացուեցաւ բանակումի ընդհանուր պատկերը։ Խարուկահանդէսին ներկայ գտնուեցան ՀՄԸՄ-ի Ս.Շրջ.Վարչութեան ներկայացուցիչ եղբ. Զաւէն Գասպարեան, Մասնաճիւղի Վարչութեան եւ Սկաուտական Խորհուրդի անդամները, ազգային և միութենական մարմիններու ներկայացուցիչներ եւ սկաուտներու ծնողներ։ Սկաուտները ներկայացուցին կոկիկ յայտագիր մը, որ ընդգրկեց կանչեր, երգեր, մարզական ներկայացումներ, բուրգեր պարեր։ Ապա հանդէս եկան վարչութեան ատենապետ բժշկ. Եղբ.Անդրանիկ Սարգիսեան եւ Սկաուտ Խորհուրդի ատենապետ եղբ. Յարութ Սարգիս, որոնք բարձրօրէն գնահատեցին բանակումի կազմակերպչական աշխատանքը՝ մաղթելով յաջողութիւն, խաղաղ երկինք։ Աւարտին տեղի ունեցաւ յուշանուէրներու բաշխում։

«Յառաջ, նահատակ ցեղի անմահներ» քայլերգով բանակումը հասաւ իր աւարտին։

Share.

Leave A Reply

This site uses Akismet to reduce spam. Learn how your comment data is processed.