ԱՇՆԱՆԱՅԻՆ ՆՈՐԱՁԵՒՈՒԹԻՒՆԸ ԵՒ ՄԵՆՔ

0

Շատերուն համար ամէնէն սպասուած եղանակը գունառատ  եւ ռոմանթիկ աշունն է, որ արդէն այցելած է մեզ: Արդեօ՞ք  պատրաստ ենք զայն ընդունելու: Խորքին մէջ դժուար է  արեւառատ օրերէ ետք անցնիլ այնպիսի եղանակի մը, որ կը պարտադրէ  կրել   շալեր, քօղեր, բաճկոններ, աշնանային կօշիկներ՝ չմոռանալով հովանոցը:

ժամանակն է, որ պատրաստէք հագուստներու յատուկ պահարան մը՝ աշունը պատշաճ կերպով դիմաւորելու համար:

Միշտ ընտրեցէք այնպիսի զգեստներ, որոնք կը համապատասխանեն մեր մարմինին ձեւին, ոճին եւ ձեր անհատականութեան:

Այս աշնան ամէնէն նորաձեւ կերպասը կը համարուի թաւիշը՝ իր բոլոր գոյներով: Նորոյթ են նաեւ  բնական կտորները՝ մետաքս, շիֆոն, որոնցմով կրնանք ձեւաւորել գիշերային զգեստներ՝ համադրուած նուրբ ժանեակներով:

 Այս աշնան նորաձեւ գոյներն են՝ մոխրագոյնը, կարմիրը, մուգ  վարդագոյնին երանգները, ճինզի կապոյտը եւ բոլոր  վառ գոյները, ինչպէս նաեւ սեւի եւ սպիտակի համադրութիւնը:

Այս աշնան քառէ կերպասները (էգօսէները) փոքրերուն եւ մեծերուն համար նորոյթ կը համարուին:

Կը շարունակուի նորաձեւ մնալ  փոթասի եւ դասական ոճի  հագուստի ձեւը, նորոյթ կը համարուին նաեւ  ուղիղ  կտրուածքներով  զգեստները,  որոնք իրենց ձեւուածքով  բաւական  պարզ են: Փափաքելի է լայն զգեստը, մարմինին եւ զգեստին միջեւ որոշ տարածութեան գոյութիւնը:

Նեղ հագուստները նորոյթ չեն այլեւս:

Այս աշնան նորոյթ են  նաեւ կողային  շերտագիծերով  տաբատներ, որոնք կը ներկայացուցին որպէս առօրեայ գործնական հագուստ. անոնք կը համադրուին համապատասխան վերնաշապիկներով եւ երկուքը միասին կը դառնան աւելի ոճական. այս եղանակին նորոյթ կը համարուին լայն եւ ուսերը բաց վերնաշապիկները, որոնք կարելի է կրել նաեւ որպէս զգեստ:

Ինչ կը  վերաբերի   վերարկուներուն, այս տարի նորաձեւ կը համարուին oversizem՝ բաւական երկար եւ մեծ  օձիքներով   օրինակները, որոնց հետ կարելի է համադրել գլխարկներ, տարբեր աքսեսուարներ, ճարմանդներ, մեծ չափով քօղեր, գլխաշորեր, վզկապներ, շալեր՝ հետաքրքրական, գունաւոր կերպասով:

Գլխարկի պարագային նորաձեւ կը համարուին թէ՛ լայներիզ, եւ թէ բուրդով հիւսուած գլխարկները: Ընտրութիւնը պէտք է կատարել ըստ դէմքի կառուցուածքին:

Պայուսակները պէտք է ըլլան մեծ եւ գոյնաւոր: Նորաձեւ են ինչպէս  մեծ պայուսակները, այնպէս ալ փոքրիկ  դասական տարբերակները: Այս աշնան նորաձեւ պայուսակներու գոյներն են՝ դեղինը, ճերմակը եւ կանաչի համադրութիւնը, ինչպէս նաեւ շաքարագոյնը:

Ինչ կը վերաբերի  ակնոցներուն, դարձեալ նորաձեւ կը համարուին փայլապատ տեսակները՝ դասական  տարբերակներով:

Անշուշտ չենք կրնար շրջանցել  շատ մը կիներու թուլութիւնը` զարդեղէնը: Այս աշնան նախընտրելի է կիրառել նուրբ շղթաներ, փայտեայ զարդեր ու ժանեակներ:

Share.

Leave A Reply

This site uses Akismet to reduce spam. Learn how your comment data is processed.