ԱՐՍԷՆ ՀԱՄԲԱՐՁՈՒՄԵԱՆ. «ԴԱՇՆԱԿՑՈՒԹԵԱՆ ՕՐԱԿԱՐԳԻՆ ՎՐԱՅ ՎԱՐՉԱՊԵՏ ՓԱՇԻՆԵԱՆԻՆ ՀԵՏ ՅՈՒՇԱԳԻՐ ՍՏՈՐԱԳՐԵԼՈՒ ՀԱՐՑ ՉԿԱՅ»

0

ՀՅԴ Գերագոյն Մարմինի անդամ Արսէն Համբարձումեան 9 Հոկտեմբերին «Ազատութեան» հետ զրոյցի մը ընթացքին ըսաւ, որ Դաշնակցութեան օրակարգին վրայ վարչապետ Նիկոլ Փաշինեանին հետ յուշագիր ստորագրելու հարց չկայ։

Համբարձումեանի խօսքով՝ յուշագիրին ստորագրումը պէտք է իմաստաւորուած ըլլայ։ «Կը կարծենք, որ քաղաքական ուժերու միջեւ փոխվստահութիւնը շատ աւելի կարեւոր է քան որեւէ ստորագրուած փաստաթուղթ։ Եթէ հետագայ քննարկումներու ընթացքին անոր անհրաժեշտութիւնը յառաջանայ, պատրաստ ենք նաեւ քննարկել այդ տարբերակը, բայց այսօր մեր օրակարգին վրայ այդպիսի հարց չունինք։ Մենք բազմիցս ըսած ենք, որ արտակարգ խորհրդարանական ընտրութիւններու կազմակերպելու անհրաժեշտութիւնը կասկածի տակ չի կրնար դրուիլ», ըսաւ ՀՅԴ Գերագոյն Մարմինի անդամը։

«Ազատութեան» այն դիտարկումին, թէ խմբակցութիւնը ժամկէտերու հետ կապուած հարց կը տեսնէր, Համբարձումեան պատասխանեց՝ ըսելով. «Արտակարգ խորհրդարանական ընտրութիւններու կազմակերպման ժամկէտն ալ ինքնանպատակ պէտք չէ համարել։ Մենք մշիտ ալ արտակարգ ընտրութիւններու կազմակերպման հարցը կապած ենք այն անհրաժեշտ քայլերու եւ գործողութիւններու հետ, որոնք ձեռք բերուած են քաղաքական համաձայնութիւններու արդիւնքով եւ ամրագրուած են կառավարութեան գործունէութեան ծրագիրով։ Դեկտեմբերի հետ կապուած մեր մտահոգութիւնը պայմանաւորուած է այն բանով, որ իրատեսական չենք համարեր մինչեւ Դեկտեմբեր այն քայլերու եւ գործողութիւններու կատարումը, որոնք անհրաժեշտաբար պէտք է նախորդեն արտակարգ խորհրդարանական ընտրութիւններու կազմակերպումին», ըսաւ Համբարձումեան։

Share.

Leave A Reply

This site uses Akismet to reduce spam. Learn how your comment data is processed.