ՀԱՅԱՍՏԱՆԻ ՀԱՆՐԱՊԵՏՈՒԹԵԱՆ ՆԱԽԱԳԱՀԸ ՀԱՆԴԻՊՈՒՄՆԵՐ ՈՒՆԵՑԱԾ Է ՎԱՐՉԱՊԵՏ ՆԻԿՈԼ ՓԱՇԻՆԵԱՆԻ ԵՒ ԱԶԳԱՅԻՆ ԺՈՂՈՎԻ ՆԱԽԱԳԱՀ ԱՐԱ ԲԱԲԼՈՅԵԱՆԻ ՀԵՏ

0

Երեւան, «Երկիր».- Հայաստանի Հանրապետութեան նախագահ Արմէն Սարգսեան, ինչպէս խոստացած էր, Հայաստան վերադառնալուն պէս խորհրդակցութիւններ նախաձեռնած է կառավարութեան եւ Ազգային ժողովի ղեկավարութեան հետ:

Այդ շրջագիծին մէջ Հանրապետութեան նախագահը 9 Հոկտեմբերին իր նստավայրէն ներս հանդիպումներ ունեցած է վարչապետ Նիկոլ Փաշինեանի եւ Ազգային Ժողովի նախագահ Արա Բաբլոյեանի հետ:

Զրուցակիցները քննարկած են Հայաստանի մէջ ստեղծուած ներքաղաքական իրավիճակը եւ առկայ հարցերու հանգուցալուծման միջոցները՝ այդ հունին մէջ կարեւորելով երկրին կայունութեան պահպանումն ու հանդուրժողականութեան մթնոլորտը:

Նախագահ Սարգսեան ողջունած է անցած օրերուն բանակցային գործընթացը եւ շեշտած, որ իրավիճակի հանգուցալուծման եւ առկայ հարցերու լուծման միակ ճամբան երկխօսութիւնն է:

Հանրապետութեան նախագահը յոյս յայտնած է, որ հասարակութիւնն ու քաղաքական ուժերը կը շարունակեն խոհեմութիւն ու սթափութիւն դրսեւորել եւ առաջնորդուիլ երկրին շահերով, Սահմանադրութեամբ ու օրէնքներով:

Share.

Leave A Reply

This site uses Akismet to reduce spam. Learn how your comment data is processed.