ՌՈՒՄԱՆԻՈՅ ԽՈՐՀՐԴԱՐԱՆԸ ՄԻԱՁԱՅՆՈՒԹԵԱՄԲ ՎԱՒԵՐԱՑՈՒՑԱԾ Է ՀՀ-ԵՄ ՀԱՄԱՁԱՅՆԱԳԻՐԸ

0

Երեւան, «Արմէնփրէս».- Ռումանիոյ մէջ Հայաստանի Հանրապետութեան դեսպան Սերկէյ Մինասեան Դիմատետրի իր էջին միջոցաւ կը տեղեկացնէ, որ 8 Հոկտեմբերին Ռումանիոյ Խորհրդարանը աւարտին հասցուցած է նախորդ տարուան 24 Նոյեմբերին Պրիւքսէլի մէջ կնքուած՝ ԵՄ-Հայաստան Համապարփակ եւ ընդլայնուած գործընկերութեան համաձայնագիրի վաւերացման գործընթացը (Ռումանիոյ Խորհրդարանի ստորին պալատը զայն վաւերացուցած էր 27 Յունիսին)։

«Մէկ կողմէն Հայաստանի Հանրապետութեան, միւս կողմէն՝ Եւրոպական Միութեան եւ հիւլէական Ներուժի Եւրոպական համայնքի ու անոնց անդամ պետութիւններուն միջեւ համապարփակ եւ ընդլայնուած գործընկերութեան» համաձայնագիրի մասին օրինագիծը Խորհրդարանը ընդունեց միաձայն քուէարկութեամբ՝ 96 կողմ, 0 դէմ ձայներով: Օրէնքը ուժի մէջ կը մտնէ Ռումանիոյ նախագահին կողմէ ստորագրուելէն եւ պաշտօնապէս հրապարակուելէն ետք», գրած է Մինասեանը:

Share.

Leave A Reply

This site uses Akismet to reduce spam. Learn how your comment data is processed.