ԷՐՏՈՂԱՆ ԵՒՐՈՊԱԿԱՆ ՄԻՈՒԹԵԱՆ ԿՈՉ ՈՒՂՂԱԾ Է ԹՈՒՐՔԻՈՅ ԱՆԴԱՄԱԿՑՈՒԹԵԱՆ ՀԱՐՑՈՎ ՅՍՏԱԿ ՈՐՈՇՈՒՄ ԳՈՅԱՑՆԵԼՈՒ

0

«Արցախփրէս».- Թրքական «Միլլիէթ» լրատուամիջոցը կը յայտնէ, որ Թուրքիոյ նախագահ Ռեճէպ Թայիպ Էրտողան Եւրոպական Միութեան կոչ ուղղած է յստակ որոշում գոյացնելու Թուրքիոյ Եւրոպական Միութեան անդամակցութեան հարցով:

«Մեզ մի յոգնեցնէք, ոչ ալ դուք ձեզ յոգնեցուցէք: Պէտք է պարզ ըլլալ: Ես քաղաքականութեան մէջ պարզութիւն եւ յստակութիւն սիրող մարդ եմ», ըսած է Էրտողան՝ կոչ ուղղելով յստակացնելու Թուրքիոյ անդամակցութեան հարցը:

Թուրքիոյ նախագահ Ռեճէպ Թայիպ Էրտողան չէր բացառած Եւրոպական Միութեան անդամակցութեան շուրջ բանակցութիւններու շարունակականութեան հարցը հանրաքուէի դնելու կարելիութիւնը: Էրտողանի համաձայն, 1963-էն ի վեր ԵՄ-ն՝ խաբելով Թուրքիան, զայն կը պահէ անորոշութեան մէջ: «Մենք շատ բան ունինք տալու ԵՄ-ին, սակայն 1963-էն ի վեր մեզ կը խաբեն: Հաւանաբար ԵՄ-ն նոյնպէս շատ բան ունի մեզի տալու, բայց եթէ այսպէս շարունակուի, մեզի կը մնայ հարցնել մեր 81 մլն. ժողովուրդին», ըսած էր Էրտողան՝ ակնարկելով այդ հարցով հանրաքուէ կազմակերպելրու կարելիութեան:

Share.

Leave A Reply

This site uses Akismet to reduce spam. Learn how your comment data is processed.