ԳԵՐՄԱՆԻՈՅ ԵՒ ԱՒՍՏՐԻՈՅ ՄԷՋ ՓԱՓԱՔ ԿԱՅ ՕՐԷՆՔՈՎ ԱՐԳԻԼԵԼ «ԳՈՐՇ ԳԱՅԼԵՐ»ՈՒ ՆՇԱՆԸ ՑՈՅՑ ՏԱԼԸ

0

«Ակունք».- Գերմանիոյ եւ Աւստրիոյ կարգ մը կուսակցութիւններ կը փափաքինն օրինագիծ ներկայացնել խորհրդարան, որով կ’արգիլուի իրենց երկիրներու տարածքէն ներս ցոյց տալ թրքական ծայրայեղական «Գորշ Գայլեր» կազմակերպութեան եւ մահմետական եղբայրներուն աջակցող Ռապիա նշանը:

Գերմանիոյ մէջ այսպիսի կոչ ուղղած է Քրիստոնիա Դեմոկրատական Միութիւն (CDU) կուսակցութեան խօսնակ Քրիսթոֆ տէ Վրայ։ Ձախերու կուսակցութեան խորհրդականական խմբակցութեան նախագահի պաշտօնակատար Սեւիմ Տաղտելէն ըսած է. «Գերմանիոյ ամենամեծ ծայրայեղ աջակողմեան եւ հակասահմանադրական կազմակերպութիւններէն մէկուն՝ Գորշ գայլերուն նշանը կարելի է համամեմատել Հիթլէրին բարեւելու նշանին հետ։ Այդ իսկ պատճառով անյապաղ պէտք է արգիլել զայն»։

Իսկ Աւստրիոյ Ազատութիւն Կուսակցութեան առաջնորդ Հայնց Քրիսթիան Շթրախէն Աւստրիոյ Ներքին Գործոց Նախարարութեան առաջարկած է, որ Քիւրտիստանի Բանուորական Կուսակցութեան, Մահմետական եղբայրներ եւ Համաս կազմակերպութիւններու նշաններուն հետ մէկտեղ արգիլուի նաեւ «Գորշ Գայլեր»ու նշանը։ Աւստրիոյ մէջ վերջիններուս նշանը ցոյց տալու համար կը նախատեսուի 4000 եւրօ տուգանք սահմանել։

Թրքական «Հապերլէր» լրատուականը կը յիշեցնէ, որ Թուրքիոյ նախագահ Ռեճէպ Թայիպ Էրտողան Գերմանիոյ Քէոլն քաղաք կատարած վերջին այցելութեան թրքական համայնքի հետ հանդիպումին ընթացքին ցոյց տուած էր թէ՛ «Գորշ Գայլեր»ու, եւ թէ՛ Ռապիայի նշանը։

Share.

Leave A Reply

This site uses Akismet to reduce spam. Learn how your comment data is processed.