ՖՐԵԶՆՈՅԷՆ ԺԱՄԱՆԱԾ ԽՈՒՄԲ ՄԸ ԲԺԻՇԿՆԵՐ ԱՐՑԱԽԻ ՄԷՋ ԲԱՐԵԳՈՐԾԱԿԱՆ ՀԻՄՈՒՆՔՆԵՐՈՎ ԲԺՇԿԱԿԱՆ ՍՊԱՍԱՐԿՈՒՄ Կ’ԻՐԱԿԱՆԱՑՆԵՆ

0

Արցախի Հանրապետութեան նախագահ Բակօ Սահակեան 10 Հոկտեմբերին ընդունած է Ֆրեզնօ քաղաքէն ժամանած խումբ մը բժիշկներ, որոնք բարեգործական հիմունքներով բժշկական սպասարկում կը մատուցեն Արցախի քաղաքացիներուն: Քննարկուած են առողջապահութեան ոլորտին մէջ փոխգործակցութեան հեռանկարներուն առնչուող շարք մը հարցեր:

Բակօ Սահակեան երախտագիտութիւն յայտնած է Ֆրեզնոյի բժիշկներուն Արցախի նկատմամբ յատուկ վերաբերմունք ցուցաբերելնուն համար՝ ընդգծելով, որ Արցախի ժողովուրդը բարձրօրէն կը գնահատէ մարդասիրութեան նման դրսեւորումը:

Հանդիպումին կը մասնակցէին Արցախի Հանրապետութեան առողջապահութեան նախարար Արայիկ Բաղրեան, Ֆրեզնոյի մօտ Հայաստանի Հանրապետութեան պատուաւոր հիւպատոս Պերճ Աբգարեան եւ պաշտօնատար այլ անձեր:

Share.

Leave A Reply

This site uses Akismet to reduce spam. Learn how your comment data is processed.