ԱՐԱՅԻԿ ԽԱՆԴՈՅԵԱՆԸ ՄԱՀԱՑԱԾ Է

0

«Սասնա Ծռեր» կուսակցութեան համակարգող Վարուժան Աւետիսեան, երէկ գիշեր դիմատետրի իր էջին վրայ գրառում մը կատարելով յայտնած է, թէ Արայիկ Խանդոյեան մահացած է։

«Խոր կսկիծով կը յայտնեմ, որ մօտաւորապէս մէկ ժամ առաջ մահացած է Արայիկ Խանդոյեանը՝ Մինակ գայլը», գրած է ան:

Մահուան պատճառը սրտի կաթուածը եղած է։

Արայիկ Խանդոյեան ծնած է 19 Ապրիլ 1971-ին՝ Արագածոտնի մարզի Վերին Սասունիկ գիւղը: Ան Արցախեան պատերազմի մասնակից ազատամարտիկ էր: Հիմնադիր խորհրդարան կազմակերպութեան եւ «Սասնայ Ծռեր» խումբի անդամ էր:

Արայիկ Խանդոյեան Արցախեան ազատամարտի յայտնի խորհրդանիշներէն էր։ 17 տարեկանին Արցախեան շարժումի սկզբնական շրջանին Ծաղկահովիտ գիւղի մօտակայքը տեղակայուած Խորհրդային Հայաստանի Զինուած Ուժերու ռազմակայանէն զէնք և զինամթերք կը հայթայթէր՝ հայկական կամաւորական ջոկատներուն տրամադրելու նպատակով։ 1989-ին կը զօրակոչուի ԽՍՀՄ ԶՈՒ, սակայն 1990-ին արձակուրդ կը ստանայ և այլեւս չի վերադառնար։ Այնտեղէն կը մեկնի Արցախ և կը միանայ հայկական կամաւորական ջոկատներուն։ 1994-ի զինադադարէն ետք, իր երկու եղբայրներուն հետ միասին ծառայութիւնը կը շարունակէ Հայաստանի Հանրապետութեան Զինուած Ուժերէն ներս։

ՊՊԾ գունդի գործով ամբաստանեալ Արայիկ Խանդոյեանի նկատմամբ կիրառուող խափանման միջոցը՝ կալանաւորումը, փոխուած էր 17 Օգոստոս 2018-ին։

Արայիկ Խանդոյեան ամուսնացած էր՝ 5 զաւակներու հայր։

Share.

Leave A Reply

This site uses Akismet to reduce spam. Learn how your comment data is processed.