ԱԶԳԱՅԻՆ ԺՈՂՈՎԻ ՅԱՆՁՆԱԺՈՂՈՎԸ ԴՐԱԿԱՆ ԵԶՐԱԿԱՑՈՒԹԻՒՆ ՏՈՒԱՒ ԸՆՏՐԱԿԱՆ ՕՐԷՆՍԳԻՐՔԻՆ ՄԷՋ ՓՈՓՈԽՈՒԹԻՒՆՆԵՐՈՒ ՆԱԽԱԳԻԾԻՆ

0

Հայաստանի Հանրապետութեան Ազգային ժողովի պետական-իրաւական հարցերու եւ Մարդու Իրաւունքներու Պաշտպանութեան հարցերու մշտական յանձնաժողովը դրական եզրակացութիւն տուաւ Ընտրական Օրէնսգիրքին եւ յարակից նախագիծերու ծրարին մէջ փոփոխութիւններու նախագիծին:

Քննարկումին ներկայ յանձնաժողովի բոլոր անդամները միաձայնութեամբ կողմ քւուէարկեցին նախագիծին:

Քուէարկութենէն առաջ ՀՅԴ խմբակցութեան պատգամաւոր Անդրանիկ Կարապետեան յայտնեց, որ ինք յանձնաժողովի նիստին նախագծին կողմ պիտի քուէարկէ, քանի որ իրենք գաղափարական առումով կողմ են փոփոխութիւններուն: «Մենք լիագումար նիստի ընթացքին կը ներկայացնենք մեր առաջարկները եւ կ’արտայայտենք մեր դիրքորոշումը քուէարկութեան միջոցով», ըսաւ ան:

Ազգային Ժողովի պետական-իրաւական եւ Մարդու Իրաւունքներու Պաշտպանութեան հարցերու մշտական յանձնաժողովի նախագահ Գէորգ Կոստանեան նոյնպէս կոչ ուղղեց բոլորին կողմ քուէարկել նախագիծին: «Ես նոյնպէս կ’առաջարկեմ, որ բոլորը կողմ քուէարկեն նախագիծին, որ յաջորդ ընտրական շրջանը ըլլայ վստահելի եւ երաշխաւորուած մեր քննարկած բոլոր խնդիրներու հաշուառումով», յայտնեց Կոստանեան:

Share.

Leave A Reply

This site uses Akismet to reduce spam. Learn how your comment data is processed.