ԽՈՐՀՈՒՐԴՆԵՐ ՏԱՆՏԻԿՆՈՋ

0

 

  1. Ձուկը ամբողջական կը մնայ ու եփելէն ետք ոսկեգոյն կը դառնայ, եթէ զայն տապակելէն 10-15 վայրկեան առաջ լաւ մը չորցնէք ու վրան անմիջապէս աղ ցանէք։
  2. Ձուկ տապկելու ընթացքին տապկոցի անախորժ հոտէն ձերբազատելու համար ձէթին մէջ նախապէս մաքրուած ու կտրտուած մէկ հում գետնախնձոր դրէք։
  3. Խմորը արագ կը թթուի, եթէ անոր մէջ խրէք խողովակաձեւ քանի մը մաքարոն։
  4. Չոր խմորով պատրաստուած փլիթները փխրուն կը դառնան, եթէ խմորին մէջ մէկ դգալ քոնեակ աւելցնէք։
  5. Որպէսզի տապկոցի ընթացքին ձէթը այս ու այն կողմ չցատկրտէ, նախքան տապկելու գործողութիւնը ձէթին մէջ քիչ մը աղ ցանեցէք։
  6. Մայոնէզով աղցանը աւելի համեղ դարձնելու համար, նախքան մատուցելը անոր մէջ կիտրոնի կեղեւ տեղադրեցէք։

ԵԹԷ ՏԽՈՒՐ ԷՔ ԿԱՄ ՄԻՆԱԿ, ԿԱՐԴԱՑԷՔ ՍՏՈՐԵՒ ՏԵՂԱԴՐՈՒԱԾ ԹԵԼԱԴՐԱՆՔՆԵՐԸ

Այս տողերը  գրած է բանաստեղծ Մաքս Էրման, 19-րդ դարուն։ Քաղուած է Desiderata խորագիրը կրող իր հատորէն։

Մաքս Էրմանի եզրայանգումները՝

  • Աղմուկի ու խառնաշփոթի մէջ ապրէ խաղաղ ու յիշէ, որ լռութեան մէջ կարելի է խաղաղութիւն գտնել։
  • Կարելիութեանդ սահմաններուն մէջ, առանց անտեղի զիջումներու, լաւ յարաբերութիւններ մշակէ մարդոց հետ։
  • Ճշմարտութիւնը յայտնէ հանգիստ խղճով, յստակօրէն եւ մերթ ընդ մերթ մտիկ ըրէ այլոց խօսքերը, որովհետեւ յիմարներն ու անկիրթներն անգամ ըսելիք ունին երբեմն։
  • Խուսափէ բամբասող, յոռետես մարդոցմէ։ Անոնք ոչ մէկ օգտակարութիւն ունին իրենց շրջապատին:
  • Եթէ սկսիս դուն քեզ այլոց հետ համեմատել, փառասիրութիւնն ու դառնութիւնը պիտի տիրեն հոգւոյդ, որովհետեւ միշտ ալ պիտի գտնուին մարդիկ, որոնք քեզմէ աւելի լաւ կամ վատ պիտի ըլլան։
  • Ուրախացիր յաջողութիւններովդ, ծրագիրներովդ։ Ձգտէ յաջողութեան, նոյնիսկ ամենահամեստ յաջողութեան։ Միայն յաջողութիւնն է, որ նոր թափ ու կորով կը ներշնչէ փոփոխական այս աշխարհին մէջ։
  • Զգոյշ եղիր գործերուդ մէջ, քանի որ աշխարհը լի է խարդախ մարդոցմով։ Միեւնոյն ատեն, սակայն, կասկածամիտ մի՛ ըլլար, գնահատէ բարի մարդոց վարմունքն ու յարգանքը:
  • Սիրոյ մէջ ժլատ մի՛ ըլլար, սիրել կը նշանակէ տալ, վստահիլ:
  • Պահպանէ ոգիիդ ուժը, որպէսզի ան քեզ պաշտպանէ ճակատագրի հարուածներէն։ Յոգնածութիւնն ու առանձութիւնը վախ կը յառաջացնեն մտքիդ ու հոգւոյդ մէջ։
  • Աստուծոյ հետ ներդաշնակութեան մէջ եղիր, եւ ինչ բանով ալ զբաղիս, ինչպիսի ձգտումներ ալ ունենաս, աղմուկի ու իրարանցումի մէջ անգամ պահպանէ հոգւոյդ անդորրը։ Որովհետեւ կեանքը, իր բոլոր դժուարութիւններով հանդերձ, հիասքանչ է։
  • Մի՛ յուսահատիր։ Գտիր երջանկութեան սեփական բանաձեւդ։

Մաքս Էրման «Desiderata», 1827թ.

 

Share.

Leave A Reply

This site uses Akismet to reduce spam. Learn how your comment data is processed.