ՎԵՆԵՏԻԿԻ ՅԱՆՁՆԱԺՈՂՈՎԸ ՅԱՅՏԱՐԱՐՈՒԹԻՒՆ ԸՆԴՈՒՆԱԾ Է ՀՀ ԸՆՏՐԱԿԱՆ ՕՐԷՆՍԳԻՐՔԻ ՆԱԽԱԳԻԾԻՆ ԱՌՆՉՈՒԹԵԱՄԲ

0

Եւրոպայի Խորհուրդի պաշտօնական էջին մէջ տեղադրուած է Վենետիկի յանձնաժողովի նախագահ Ճանի Պուքուիքիոյի կատարած յայտարարութիւնը: Վենետիկի յանձնաժողովի 116-րդ նստաշրջանի ընթացքին Վենետիկի յանձնաժողովի եւ ՀՀ առաջին փոխվարչապետի պաշտօնակատար Արարատ Միրզոյեանի միջեւ տեղի ունեցած քննարկումներէն ետք յանձնաժողովը ընդունած է  Հայաստանի  ժողովուրդի՝  երկրին մէջ  խաղաղ ճամբով փոփոխութիւններ իրականացնելու  որդեգրած եղանակը եւ աջակցութիւն յայտնած է անոր:

«Կ’ընդունինք Հայաստանի մէջ ստեղծուած իւրայատուկ իրավիճակը, որ կը պահանջէ կազմակերպել արտահերթ ընտրութիւններ: Կ’ողջունենք այն, որ Հայաստանի իշխանութիւնները կը փափաքին վերանայիլ Ընտրական օրէնսգիրքը՝ համապատասխան միջազգային չափանիշերուն», կ’ըսուի յայտարարութեան մէջ:

Կը յիշուի, որ առաջարկուող փոփոխութիւնները օրինական նպատակներ կը հետապնդեն եւ հիմնականին դրական են:

Կ’ողջունուին այն քայլերը, որոնք ուղղուած են քուէարկութեան իրաւունքի իրականացման, ինչպէս նաեւ դիտորդներու իրաւունքներու բարելաւման,  մամուլի հասանելիութեան ընդլայնման եւ ընդհանրապէս, ընտրական գործընթացի թափանցիկութեան ապահովման, ընտրակեղծիքներու դէմ պայքարին:

«Յատկապէս ողջունել է ընտրութիւններու առաջին փուլէն ետք կազմուող համախոհական մասնակիցներու թուաքանակի սահմանափակումներու վերացումը` համաձայն Վենետիկի յանձնաժողովի եւ Ժողովրդավարական հաստատութիւններու ու մարդու իրաւունքներու գրասենեակի առանցքային առաջարկին», կ’ըսուի յայտարարութեան մէջ:

Կ’ողջունուի Վենետիկի յանձնաժողովի եւ Ժողովրդավարական հաստատութիւններու ու մարդու իրաւունքներու գրասենեակի այլ առաջարկներու իրականացումը, յատկապէս `

-Ընտրական շեմերու եւ ընտրական գրաւի վերադարձումի շեմերու նուազեցումն ու ընտրական գրաւի կրճատումը:

-Դիտորդներու եւ լրատուամիջոցներու ներկայացուցիչներու հաւատարմագրման ժամկէտերու կրճատումը, ինչպէս նաեւ դիտորդներու աշխատանքի խոչընդոտներու կանխարգիլումը,  օրինակ` անոնց քանակը սահմանափակելու կարելիութիւնը:

-Կ’երաշխաւորուի զինուորականներու ազատ քուէարկութեան երաշխիքի ապահովումը:

Յայտարարութեան մէջ նաեւ կը վերահաստատուին Վենետիկի յանձնաժողովի վերապահումները՝ ընտրական համակարգին մէջ տեղի ունեցող մեծ փոփոխութիւններուն, ինչպէս վարկանշային ցուցակներու վերացումը ընտրութիւններուն նախորդող տարուան ընթացքին:

«Այդ վերապահումներու կարեւորութիւնը կը նուազի, եթէ քաղաքական ուժերու միջեւ այդ փոփոխութիւններու վերաբերեալ ձեռք բերուած համաձայնութիւն կայ», կ’ըսուի յայտարարութեան մէջ:

Share.

Leave A Reply

This site uses Akismet to reduce spam. Learn how your comment data is processed.