ՃՇՄԱՐՏՈՒԹԵԱՆ ՄԱՍԻՆ

0

Մարդիկ երբ ճշմարտութեան մասին կը խօսին, անոր փառքը կը հիւսեն, բայց իրենց գործով յաճախ կ՛արհամարհեն ճշմարտութիւնը եւ սուտին ընդառաջ կ՛ուղղուին:

Բարիք գործող իւրաքանչիւր անձ ճշմարտութեան կը ձգտի, որովհետեւ ամէն բարի  բան ճշմարիտ է եւ ամէն ճշմարիտ բան բարի է: Իսկ ան որ չարիք կը գործէ, ճշմարտութենէն կը հեռանայ, որովհետև չար բանը ճշմարտութեան հետ չ՛աղերսուիր:

Ճշմարտութիւնը ներողամիտ է, որովհետեւ զինք  անարգողներէն վրէժ չի լուծեր, իրաւունք չի պահանջեր, կը մօտենայ բոլորին, կ՛օգնէ որ զերծ մնան կեղծիքէն:

Ոչ ոք ստախօսէն բարի բան կը յուսայ: Ստախօսը բարի բան չունի: Ան որ ճշմարտութիւնը կը կորսնցնէ, կը կորսնցնէ բոլոր բարիքները, որովհետեւ ճշմարտութիւնն է բոլոր բարիքներուն աղբիւրը:

Գոյութիւն ունի երեք տեսակ ճշմարտութիւն՝ սրտի, բերնի եւ գործի: Յաճախ սրտի եւ բերնի ճշմարտութիւնը ոչ մէկ զօրութիւն կ՛ունենայ, եթէ անոր չհետեւի ճշմարիտ գործը, որովհետեւ առաջին երկուքը կրնան շօշափելի արդիւնքի չհասնիլ, մինչդեռ ճշմարտութեան համար ու ճշմարտութեան յուսալով գործողը հաւատք կը ներշնչէ իր միջավայրին:

 

ԴԷՄՔԻ ԿՆՃԻՌՆԵՐՈՒՆ ԴԷՄ ՊԱՅՔԱՐԵԼՈՒ ԼԱՒԱԳՈՅՆ ՄԻՋՈՑԸ

30 տարեկանէն ետք, մեր մաշկին վրայ շարք մը փոփոխութիւններ կը նկատենք: Աչքերուն տակ կը յառաջանան պարկեր, երեւան կու գան կնճիռներ եւ այլն։ Հասունութեան այդ նշանները կարելի չէ մշտապէս պահել, բայց մինչեւ որոշ տարիք մը, կարելի է մեղմացնել զանոնք։

Կնճիռները կրնանք վերացնել հետեւեալ քսուկը օգտագործելով.

Բաղադրութիւն

2 թէյի գդալ վազելին

1 ճաշի գդալ ձիթապտուղի ձէթ

1 հաւկիթի դեղնուց

1 թէյի գդալ մեղր։

Պատրաստութիւն

Հալեցնել վազելինը ամբողջովին, շոքիի բաղնիքի կամ Փէն Մարիի միջոցով: Ապա հալած վազելինին աւելցնել բոլոր բաղադրիչները։ Խառնել քանի մը վայրկեան, մինչեւ որ ան միատարր զանգուածի մը վերածուի։

Քսուկը պատրաստ է: Զայն տեղադրեցէք ամանի կամ ապակեայ սրուակի մը մէջ։ Քսեցէք զայն ձեր մաքուր դէմքին եւ զգուշօրէն մերսեցէք դէմքը շրջանակաձեւ շարժումներով։ Սպասեցէք 30 վայրկեան, ապա թաց բամպակով սրբեցէք քսուկը։

 

Գիտէ՞ք  Թէ…

 

Ճաշասեղանին վրայ, պնակին մէջ պատարաքաղին  ու դանակին տեղադրման ձեւը որոշ նշանակութիւն մը ունի:

Ստորեւ ներկայացուած պատկերին համաձայն կ՛արձանագրենք իւրաքանչիւր ձեւին իմաստը:

  • Պիտի սկսիմ ուտել
  • Կըսպասեմյաջորդպնակին
  • Ճաշըհամեղէր
  • Մի՛վերցնէքպնակը
  • Աւարտած եմ ուտելու արարողութիւնը
  • Տակաւին կըշարունակեմուտել
  • Կըսպասեմնորպնակին
  • Ճաշը համեղ չէր
  • Սպասարկութիւնըլաւչէր
  • Աւարտած եմ ճաշս
Share.

Leave A Reply

This site uses Akismet to reduce spam. Learn how your comment data is processed.