ԱՐՍԷՆ ՀԱՄԲԱՐՁՈՒՄԵԱՆ. «ՀՅԴ-Ն ԽՈՐՀՐԴԱՐԱՆԱԿԱՆ ԸՆՏՐՈՒԹԻՒՆՆԵՐՈՒ ՆԱԽԸՆՏՐԱԿԱՆ ՑՈՒՑԱԿԻՆ ՇՈՒՐՋ ՏԱԿԱՒԻՆ ՈՐՈՇՈՒՄ ՉԷ ԳՈՅԱՑՈՒՑԱԾ»

0

ՀՅԴ Գերագոյն Մարմնի  ներկայացուցիչ Արսէն Համբարձումեան «Արմէնփրէս»ին հետ զրոյցի մը ընթացքին յայտնեց, որ Հայ Յեղափոխական Դաշնակցութիւնը յառաջիկայ արտակարգ խորհրդարանական ընտրութիւններու նախընտրական ցուցակին շուրջ տակաւին որոշում չէ գոյացուցած:

Պատասխանելով այն հարցումին, որ արդեօ՞ք կայ որոշում, թէ որոնք պիտի ընդգրկուին նախընտրական ցուցակին մէջ, Համբարձումեան ըսաւ, որ այդ հարցը տակաւին քննարկման փուլի մէջ է:

«Օրէնքով սահմանուած ժամկէտեր կան, եւ այդ ժամկէտերուն մէջ ցուցակը կը ներկայացնենք: Նկատի առնելով, որ գործ ունինք վարկանշային համամասնական ընտրակարգի հետ, քննարկումները կ’ընթանան մարզային կտրուածքով», ըսաւ Համբարձումեան:

Յիշեցնենք, որ Հայաստանի մէջ արտակարգ խորհրդարանական ընտրութիւնները տեղի պիտի ունենան 9 Դեկտեմբեր 2018-ին, նախընտրական քարոզարշաւը պիտի սկսի 26 Նոյեմբերէն։ Կուսակցութիւններն ու կուսակցութիւններու դաշինքները կրնան իրենց յայտերը ներկայացնել մինչեւ 14 Նոյեմբեր, ժամը 18։00։ Անոնց գրանցումը Կեդրոնական Ընտրական Յանձնաժողովը կիրականացնէ մինչեւ 19 Նոյեմբեր, ժամը 18։00։ Քարոզչութեան ժամանակահատուածը 26 Նոյեմբերէն 7 Դեկտեմբերն է։ Ընտրական Օրէնսգիրքով սահմանուած է 12-օրուան ժամկէտ:

Share.

Leave A Reply

This site uses Akismet to reduce spam. Learn how your comment data is processed.