ԹՈՒՐՔԻՈՅ ՔՐՏԱՄԷՏ ԿՈՒՍԱԿՑՈՒԹԵՆԷՆ 6000 ԱՆԴԱՄ ԲԱՆՏԱՐԿՈՒԱԾ Է

0

Թուրքիոյ քրտամէտ Ժողովուրդներու Ժողովրդավարական Կուսակցութեան համանախագահներ Սելահատտին Տեմիրթաշն ու Ֆէյկըն Իւքսեքտաղը արդէն երկու տարի է ի վեր բանտն են: Անոնք բանտարկուած էին Թուրքիոյ մէջ 15 Յուլիս 2016-ին տեղի ունեցած ռազմական յեղաշրջման փորձէն ետք` յեղաշրջումին հետ կապեր ունենալու մեղադրանքով:

«Դեմոկրատհապէր» կը տեղեկացնէ, որ այդ առնչութեամբ քրտամէտ կուսակցութեան ներկայ համանախագահներ Փերվին Պուլտան եւ Սեզայի Թեմելլի Անգարայի մէջ մամլոյ ասուլիսով հանդէս եկած են: Անոնք ներկայացուցած են տուեալներ, թէ կուսակցութենէն քանի հոգի այժմ կը գտնուի թրքական բանտերուն մէջ։

Պուլտանի խօսքով`6000 ԺԺԿ-ական այժմ բանտն է, 53-ը համաքաղաքապետներ են։  «Մեր ընկերներուն բանտ գտնուելուն պատճառը այս իշխանութեան կեանքը երկարաձգելու փորձն է», ըսած է ան:

Share.

Leave A Reply

This site uses Akismet to reduce spam. Learn how your comment data is processed.