ԷՐՏՈՂԱՆԻ ՀԵՏ ՀԱՆԴԻՊՈՒՄԷՆ ՎԵՐՋ ԹՐԱՄՓ ՉԵՂԱՐԿԱԾ Է ԹՈՒՐՔ ՆԱԽԱՐԱՐՆԵՐՈՒ ՆԿԱՏՄԱՄԲ ՊԱՏԺԱՄԻՋՈՑՆԵՐԸ

0

Թուրք-ամերիկեան լարուած յարաբերութիւններու պատճառով արգիլուած էր Թուրքիոյ արդարադատութեան նախարար Ապտուլհամիտ Կիւլի եւ ներքին գործոց նախարար Սուլէյման Սոյլուի մուտքը Միացեալ Նահանգներ։

Թրքական լրատուամիջոցներ կը յայտնեն, որ Միացեալ Նահանգները չեղարկած է թուրք նախարարներու նկատմամբ պատժամիջոցները: Ըստ Թուրքիոյ կառավարութեան խօսնակ Օմէր Չելիքի, սա տեղի ունեցած է Թուրքիոյ նախագահ Ռեճէպ Թայիպ Էրտողանի եւ Միացեալ Նահանգներու նախագահ Տանըլտ Թրամփի հանդիպումէն վերջ:

Թուրքիա ալ, իր կարգին, չեղարկած է Միացեալ Նահանգներու ներքին գործոց եւ արդարադատութեան նախարարին դէմ կիրառած պատասխան պատժամիջոցները:

Share.

Leave A Reply

This site uses Akismet to reduce spam. Learn how your comment data is processed.