ՄԻԱՑԵԱԼ ՆԱՀԱՆԳՆԵՐ ՊԱՏԺԱՄԻՋՈՑՆԵՐ ԿԻՐԱՌԱԾ Է ԻՐԱՆԻ ԱՒԵԼԻ ՔԱՆ 700 ԿԱԶՄԱԿԵՐՊՈՒԹԵԱՆ ՈՒ ԱՆՁԵՐՈՒ ԴԷՄ

0

«Արմէնփրէս» վկայակոչելով «ՌԻԱ Նովոսթի»ն կը յայտնէ է, որ Միացեալ Նահանգներու Տնտեսութեան Նախարարութիւնը Իրանի աւելի քան 700 անձեր, կազմակերպութիւններ, ինքնաթիռներ եւ նաւեր ներառած է պատժամիջոցներու ցուցակին մէջ:

Ցուցակին մէջ ներառուած են յատկապէս Իրանի հիւլէական ջերմուժի կազմակերպութիւնը, 70 տնտեսական կազմակերպութիւններ եւ 14 մեծագոյն դրամատուներ: Ուաշինկթըն կը մեղադրէ զիրենք «ապակայունացնող գործունէութեան աջակցելու»ու յանցանքով:

Անոնք, որոնք կը համագործակցին այս ցուցակին մէջ յայտնուած անձերուն կամ կազմակերպութիւններուն հետ, նոյնպէս կրնան յայտնուիլ Միացեալ Նահանգներու պատժամիջոցներու ցուցակին մէջ: Սակայն 7 երկրի համար ժամանակաւոր բացառութիւն կատարուած է. այդ երկիրներն են՝ Չինաստան, Հնդկաստան, Իտալիա, Յունաստան, Ճաբոն, Հարաւային Քորէա եւ Թուրքիա:

Միացեալ Նահանգներու Տնտեսութեան Նախարարութենէն յայտնած են, որ ասոնք պաշտօնական Թեհրանի դէմ յայտարարուած ամէնէն լայնամասշտապ պատժամիջոցներն են:

Share.

Leave A Reply

This site uses Akismet to reduce spam. Learn how your comment data is processed.