ԿԼԵՆՏԷՅԼԻ ՄԷՋ ՄԵԾ ՇՈՒՔՈՎ ՅԻՇԱՏԱԿՈՒԱԾ Է ՀՄԸՄ-Ի 100-ԱՄԵԱԿԻՆ ՆՈՒԻՐՈՒԱԾ ՁԵՌՆԱՐԿՆԵՐՈՒ ԵԶՐԱՓԱԿԻՉ ՀԱՆԴԻՍՈՒԹԻՒՆԸ

0

Օրեր առաջ Միացեալ Նահանգներու Կլենտէյլ քաղաքին մէջ մեծ շուքով յիշատակուած է Հայ Մարմնակրթական Ընդհանուր Միութեան` ՀՄԸՄ-ի 100-ամեակին նուիրուած բազմաթիւ ձեռնարկներու եզրափակիչ հանդիսութիւնը:

Ըստ «Ասպարէզ»ի, հանդիսութեան ներկայ եղած են Թեմի Առաջնորդ Մուշեղ Արք. Մարտիրոսեան, Կլենտէյլի քաղաքապետ Զարեհ Սինանեան, ՀՅԴ Բիւրոյի անդամներ Վիգէն Եագուպեանն ու Յակոբ Խաչերեան, ՀՄԸՄ-ի Կեդրոնական Վարչութեան անդամներ Վիգէն Դաւթեան ու Օշին Փիրումեան, ուղեկից կազամկերպութիւններու ներկայացուցիչներ, հրաւիրեալներ եւ մեծ թիւով ՀՄԸՄ-ականներ ու համակիրներ:

Օրուան առիթով հրաւիրեալներէն շատեր ելոյթով հանդէս եկած են`գովերգելով ՀՄԸՄ-ի 100-ամեայ հայանպաստ գործունէութիւնը:

Ելոյթներէն ետք Շրջանային Վարչութիւնը «Ծառայութեան» շքանշանով պարգեւած է խումբ մը վաստակաշատ ՀՄԸՄ-ականներ:

Հանդիսութեան աւարտին ազգային-հայրենասիրական երգերով հանդէս եկած է Քրիստափոր Արապեան, իսկ ձեռնարկը փակուած է Վարանդ Աւանէսեանի` ՀՄԸՄ-ի 100-ամեակին նուիրուած քայլերգին կատարումով:

Share.

Leave A Reply

This site uses Akismet to reduce spam. Learn how your comment data is processed.