ԱՐՑԱԽԻ ՊԱՇՏՊԱՆՈՒԹԵԱՆ ԲԱՆԱԿԸ ՄԱՐՏԱՎԱՐԱԿԱՆ ԶՕՐԱՎԱՐԺՈՒԹԻՒՆՆԵՐ Կ’ԻՐԱԿԱՆԱՑՆԷ

0

Արցախի Հանրապետութեան Պաշտպանութեան Բանակի խօսնակ Սենոր Հասրաթեան դիմատետրի իր էջին գրառում կատարելով յայտնած է, որ պաշտպանութեան բանակին մէջ 6 Նոյեմբերէն մարտավարական զօրավարժութիւններ սկսած են կատարուիլ: Անոնք ծրագրային են եւ պիտի շարունակուին մինչեւ 10 Նոյեմբեր:

«Նպատակն է կատարելագործել ընդգրկուած ուժերու եւ միջոցներու մարտական ներդաշնակութեան մակարդակը, ստուգել զօրամասերուն մարտական պատրաստականութիւնը ու զօրքերու մարտական գործողութիւններու արդիւնաւէտութիւնը:

Չորս փուլով ընթացող զօրախաղերու ընթացքին առանձնայատուկ ուշադրութիւն կը դարձուի հրամանատարներու եւ կառավարման մարմիններու գործնական ունակութիւններու բարձրացման եւ ժամանակակից մարտի ստորաբաժանումներու, զորատեսակներու ու ծառայութիւններու միջեւ նպատակային փոխգործողութեան իրականացումին վրայ:

Աւարտական փուլին պիտի խաղարկուի  «Մխրճուած հակառակորդի ջախջախումը, առաջնագիծի վերականգնումը, յարձակման զարգացումը եւ բարենպաստ բնագիծերու գրաւումը» նիւթերով մարտական հրաձգութեամբ զօրավարժութիւն», կը գրէ Հասրաթեան:

 

Share.

Leave A Reply

This site uses Akismet to reduce spam. Learn how your comment data is processed.