ՍՈՒՐԻՈՅ ՆԱԽԱՐԱՐԱՑ ԽՈՐՀՈՒՐԴԸ ՀԱԼԷՊԻ ՎԵՐԱԿԱՆԳՆՈՒՄԻՆ ԱՌՆՉՈՒՈՂ ԱՄԲՈՂՋԱԿԱՆ ՌԱԶՄԱՎԱՐՈՒԹԻՒՆ ՄԸ ՄՇԱԿԵՑ

0

Կիրակի, 4 Նոյեմբեր 2018-ին, Սուրիոյ Նախարարաց Խորհուրդը, վարչապետ Իմատ Խամիսի նախագահութեամբ եւ բոլոր նախարարներուն մասնակցութեամբ, իր նիստը գումարեց Հալէպի մէջ, նահանգի վերականգնումին առնչուող ամբողջական ռազմավարութիւն մը մշակելով, Հալէպը տնտեսական, գիւղատնտեսական, արդիւնաբերական, առեւտրական, ծառայողական, բարգաւաճումի, մարդուժի պատրաստութեան, զբօսաշրջային, կրթական, գիտական, առողջապահական, տեղեկատուական, մշակութային, ընկերային մակարդակներով վերականգնելու ու զարգացնելու համար:

Նիստին ընթացքին, խորհուրդը վաւերացուց Հալէպը առեւտրական կեդրոնի վերածելու ծրագիր մը՝ ճարտարագիտական, զբօսաշրջային եւ արդիւնաբերական գործարկներու բազմաթիւ առաջարկներով: Խորհուրդը Հալէպի Նահանգապետարանին եւ Քաղաքապետարանին պարտականութիւն տուաւ այս ռազմավարութիւնը կեանքի կոչելու համար համագործակցիլ պատկան կողմերուն հետ, ինչպէս նաեւ Հին Հալէպի շրջանի վերանորոգման աշխատանքները աւարտին հասցնել ու նահանգի ապահովական իրավիճակը բարելաւել:

Խորհուրդը վաւերացուց նաեւ առողջապահական, գիտական, տեղեկատուական, արդիւնաբերական ոլորտներու արագընթաց բարեկարգումին առնչուող բոլոր առաջարկները:

Նախարարաց Խորհուրդի քարտուղար դոտկ. Քէյս Խըտըր լրատուամիջոցներուն հետ հարցազրոյցի մը ընթացքին ըսաւ, որ Հալէպ նահանգի բարեկարգումի անմիջական աշխատանքներուն համար  նիստը յատկացուցած է 10 միլիառ սուրիական ոսկի, իսկ երկարաժամկէտ ծրագիրներուն՝ տասնեակ միլիառներ, որպէսզի Հալէպը վերագտնէ իր նախկին դիրքն ու դերը, որպէս Սուրիոյ տնտեսական մայրաքաղաք:

 

Share.

Leave A Reply

This site uses Akismet to reduce spam. Learn how your comment data is processed.