ԿՆՈՋԱԿԱՆ՝ ՆՈՅԵՄԲԵՐ Բ./2018

0

ԱՉՔԻ ՆԵՐՔԵՒԻ ՍԵՒՈՒԹԻՒՆԸ ԵՒ ՍԵՒ ՏՈՊՐԱԿՆԵՐՈՒՆ ՅԱՌԱՋԱՑՈՒՄԸ

Տղամարդոց եւ կիներուն մօտ, աչքի ներքեւի թաղանդին մթութիւնը շատ մը ազդակներէ յառաջ կու գայ: Այսպէս օրինակ.- անքնութիւնը, հորմոնային խանգարումը, առօրեայ նեղութիւնը, ապրելակերպը, գերճնշուածութիւնը եւ այլն պատճառ կը հանդիսանան թաղանդի այս բաժինին մթագնումին: Եթէ երկար ժամանակի ընթացքին այս երեւոյթներուն առաջքը չառնուի, ձեր դէմքը տխուր տեսք մը կ՛ունենայ, ապա նաեւ որոշ առողջական խնդիրներ կը յառաջանան:

ՆՉ ՊԱՏՃԱՌՆԵՐՈՎ ԿԸ ՄԹԱԳՆԻ ԱՉՔԻՆ ՆԵՐՔԵՒԻ ԹԱՂԱՆԴԸ

Տարիք. Երբ անհատին տարիքը յառաջանայ, մորթին գոլաժէնը, որ կը նպաստէ մաշկի փափկութեան  եւ երակներու առողջութեան, կը նուազի:

Յոգնութիւն եւ ծանր աշխատանք. Երբ անձ մը շատ ծանրաբեռնէ ինքզինք, մարմինն ու հոգեկան աշխարհը բացասաբար կ՛ազդուին գերյոգնութենէն:

Էքզեմա. Երբ աչքին ներքեւի թաղանդը քերուի եւ բորբոքի,  աչքին տակ սեւ տոպրակներ կը յառաջանան:

Աչքի յոգնածութիւն. Հեռատեսիլին, բջջային հեռաձայնին կամ համակարգիչին դիմաց ժամերով նստիլը պատճառ կը դառնայ աչքի բորբոքումին եւ անոր ներքեւի թաղանդին մթագնումին:

Արեւի Ճառագայթներ. Արեւուն տակ ժամեր շարունակ նստիլը պատճառ կը դառնայ, որ մորթը միլանի կոչուած նիւթը արտադրէ: Սա կը նպաստէ աչքին ներքեւ սեւ տոպրակներու յառաջացման:

Յղութիւն. Որոշ կիներու մաշկը կ՛ազդուի յղութենէն եւ այդ ընթացքին գոյնը կը փոխէ: Սա հորմոնային խանգարումներու հետեւանքով կը յառաջանայ:

Անքնութիւն.Երբ քունի ժամերը սահմանափակենք, աչքերը կ՛ուռին եւ կը յոգնին: Սա եւս պատճառ կը դառնայ սեւ տոպրակներու յառաջացման:

Արեան տկարութիւն.Արեան կարմիր գնդիկներու նուազումը մէկայլ պատճառ կը համարուի: Ուստի աչքի ներքեւի սեւ տոպրակներուն գոյութիւնը արեան տկարութեան ախտանիշներէն մէկը կը նկատուի:

Ինչպէ՞ս կրնանք ձերբազատիլ աչքի ներքեւի սեւ տոպրակներէն կամ ինչպէ՞ս կրնանք բարելաւել մթագնած թաղանդին գոյնը

Սնունդ: Երկաթի եւ կարգ մը կենսանիւթերու նուազումը պատճառ կը հանդիսանայ մաշկին մթագնումին: Ուստի օգտագործենք K, A, C կենսանիւթեր եւ երկաթ պարունակող սննդամթերք:

Լոլիկ: Ամենալաւ լուծումն է աչքի ներքեւի սեւութենէն եւ սեւ տոպրակներէն ձերբազատելու համար:

Մէկ դգալ լոլիկի խոյսին խառնել մէկ դգալ կիտրոնի հիւթ եւ այս լուծոյթով 10 վայրկեան շարունակ մերսել աչքին ներքեւի թաղանդը, ապա դէմքը լուալ գաղջ ջուրով: Այս գործողութիւնը կրկնել օրական երկու անգամ: Կարելի է խմել նաեւ լոլիկին հիւթը, անոր աւելցնելէ ետք 2 դգալ կիտրոնի հիւթ եւ քիչ մը անանուխի փոշի:

Գետնախնձոր

Գետնախնձորը կեղուել եւ քերել: Բամպակը թաթխել քերուած գետնախնձորի հիւթին եւ  աչքերն ու անոնց շուրջի տարածութիւնը մերսել 10  վայրկեան: Օրուան ընթացքին այս գործողութիւնը քանի մը անգամ կրկնել:

Թէյ

Թէյով լեցուն պաղ փոքրիկ տոպրակները, որոնք թէյի պատրաստութեան ընթացքին գաւաթին մէջ կը պահենք, սառնարանը պահել որոշ ժամանակ, յետոյ անոնցմով մերսել աչքերն ու անոնց շուրջի տարածութիւնը 19  վայրկեան:

Կաթ:

Եթէ օրական դրութեամբ կաթին թաթխուած բամպակով մերսենք մեր աչքերը, կ՛ունենանք փափուկ, մաքուր եւ բաց գոյնով մաշկ: Օրական դրութեամբ պէտք է 5  վայրկեան կատարել այս մերսումը, ապա աչքերը լուալ գաղջ ջուրով:

Վարունգ: վարունգը մէկէ աւելի օգտակարութիւն ունի: Կը մաքրէ մորթը, յատուկ փայլք կու տայ անոր եւ կը կանխէ աչքի ներքեւի սեւ տոպրակներուն յառաջացումը: Անհրաժեշտ է վարունգը  շերտել եւ սառնարան պահել զայն 30  վայրկեան, ապա վարունգի պաղ շերտերը տեղադրել աչքին տակ եւ պահել 15 վայրկեան:

Share.

Leave A Reply

This site uses Akismet to reduce spam. Learn how your comment data is processed.