«ԱՍՊԱՐԷԶ» ԹԵՐԹԸ ՅԻՇԱՏԱԿԵՑ ԻՐ ՀԻՄՆԱԴՐՈՒԹԵԱՆ 110-ԱՄԵԱԿԸ

0

Աւելի քան 450 բարեկամներու, բարերարներու, միութեանց ներկայացուցիչներու եւ հայկական վարժարաններու հայերէնի ուսուցիչներու ներկայութեան «Ասպարէզ»-ը Կիրակի, 21 Հոկտեմբերի երեկոյեան, Մոնթեպելլոյի Ս. Խաչ եկեղեցւոյ «Բաղրամեան» սրահին մէջ յիշատակեց իր հիմնադրութեան 110-րդ տարեդարձը: Ծովինար Մելքոնեանի հանդիսավարութեամբ ընթացած ձեռնարկին ընթացքին խօսք առին թերթի անգլերէն բաժինի խմբագիր Արա Խաչատրեան, ՀՅԴ Արեւմտեան Ամերիկայի Կեդրոնական Կոմիտէի անդամ Ռազմիկ Շիրինեան եւ օրուան գլխաւոր պատգամախօս` Նազարէթ Պէրպէրեան:

Ճաշկերոյթը, որ բարերարներու առատաձեռնութեան շնորհիւ թերթին ապահովեց աւելի քան երկու հարիւր հազար տոլար, առիթ դարձաւ մեծարելու համայնքին մէջ մամուլի ծառայութեան տարիներու վաստակ ունեցող հետեւեալ լրագրողները, նախկին եւ ներկայ խմբագիրներն ու հրապարակագիրները` դոկտ. Մարի Ռոզ Աբուսէֆեան, Մասիս Արարատեան, տոքթ. Արշակ Գազանճեան, Սարօ Գիւմրեցի (Գեօդկեան), դոկտ. Մինաս Գոճայեան, Լութֆի Թապագեան, Խաչիկ Ճանոյեան, Վահան Ճանսըզեան (Վահանեան), Յակոբ Մարտիրոսեան, Սարգիս Մաճառեան, Սարգիս Մինասեան, Յարութ Սասունեան, Գէորգ Պետիկեան, Վաչէ Սեմերճեան, Նուպար Տէմիրճեան եւ Օշին Քէշիշեան:

Share.

Leave A Reply

This site uses Akismet to reduce spam. Learn how your comment data is processed.