ՍՈՒՐԻՈՅ ՄԷՋ ՀՀ ԱՐՏԱԿԱՐԳ ԵՒ ԼԻԱԶՕՐ ԴԵՍՊԱՆ ՓՐՕՖ. ԱՐՇԱԿ ՓՕԼԱՏԵԱՆԻ ՀՐԱԺԵՇՏԻ ՀԱՆԴԻՊՈՒՄ

0

Երեքշաբթի, 6 Նոյեմբեր 2018 –ին Դամասկոսի «Աւետիս Ահարոնեան» կեդրոնի մարմինին հրաւէրով, հրաժեշտի պաշտօնական ընթրիք մը տեղի ունեցաւ
ի պատիւ Սուրիոյ մէջ ՀՀ դեսպան Արշակ Փօլատեանի, անոր դիւանագիտական առաքելութեան աւարտին առիթով:

Հաւաքին ներկայ էին դեսպանութեան անձնակազմը, Սուրիոյ խորհրդարանի անդամ Դոկտ. Նորա Արիսեան, միութիւններու ներկայացուցիչներ եւ հրաւիրեալներ:

«Ա.Ահարոնեան» կեդրոնի ներկայացուցիչ Ընկ. Արմէն Ուրֆալեան ողջունելով դեսպանը բարձրօրէն գնահատեց անոր տասնամեայ բեղուն դիւանագիտական գործունէութիւնը եւ դերակատարութիւնը գաղութի կեանքէն ներս, ի մասնաւորի պատերազմական տարիներու ողջ ընթացքին դեսպանին հոգատար վերաբերմունքը, ինչպէս նաեւ անոր ջանքերն ու անձնուրաց աշխատանքը Հայաստան-Սփիւռք կապերու զարգացման եւ ամրապնդման մէջ:

Հանդիպման աւարտին յանուն «Ահարոնեան» կեդրոնի մարմինին ընկ. Արմէն Ուրֆալեան դեսպան Փօլատեանին փոխանցեց յուշանուէր` առ ի գնահատանք անոր ազգանպաստ առաքելութեան եւ յաջողութիւն մաղթեց դիւանագիտական իր հետագայ գործունէութեան մէջ:
Յաջորդաբար սրտի խօսքեր արտասանեցին միութիւններու ներկայացուցիչները, անհատներ եւ դոկտ. Նորա Արիսեան:
Դեսպան Փօլատեան իր կարգին շնորհակալութիւն յայտնեց «Ահարոնեան» կեդրոնի մարմինին այս ջերմ հանդիպումին համար, ապա տեղի ունեցաւ կարկանդակի հատում:

Share.

Leave A Reply

This site uses Akismet to reduce spam. Learn how your comment data is processed.