ՓԵՍՔՈՎ. «ՀԱՊԿ ԳԼԽԱՒՈՐ ՔԱՐՏՈՒՂԱՐԻ ՄԱՍԻՆ ՎԵՐՋՆԱԿԱՆ ՈՐՈՇՈՒՄ ԿԸ ԳՈՅԱՑՈՒԻ ԴԵԿՏԵՄԲԵՐԻՆ ՍԱՆ ՓԵԹԵՐՍՊՈՒՐԿԻԻ ՄԷՋ»

0

«Արմէնփրէս»ը վկայակոչելով ԹԱՍՍ-ը կը հաղորդէ, որ Ռուսաստանի Դաշնութեան անվտանգութեան խորհուրդի քարտուղար Նիքոլայ Փաթրուշեւ լրագրողներուն յայտնած է, որ Հաւաքական Անվտանգութեան Պայմանագիրի Կազմակերպութեան (ՀԱՊԿ) նոր գլխաւոր քարտուղարի մասին որոշում չէ գոյացած: Կազմակերպութեան գլխաւոր քարտուղարի տեղակալ Վալերի Սեմերիքով կը շարունակէ մնալ որպէս պաշտօնակատար:

Միւս կողմէ, Ռուսաստանի նախագահի մամուլի քարտուղար Տիմիթրի Փեսքով յայտնած է, որ երկրի ղեկավարները ՀԱՊԿ գլխաւոր քարտուղարի մասին որոշումը պիտի ընդունին Սան Փեթերսպուրկի մէջ՝ 6 Դեկտեմբերին: «ՀԱՊԿ գլխավոր քարտուղարի թեկնածութեան ընտրութեան հարցին բաւական ժամանակ յատկացուեցաւ: Համաձայնած են համապատասխան վերջնական որոշում ընդունիլ 6 Դեկտեմբերին Սան Փեթերսպուրկի մէջ: Պաշտօնակատարը կը շարունակէ աշխատանքը մինչեւ 6 Դեկտեմբեր», յայտնած է Փեսքով:

 

Share.

Leave A Reply

This site uses Akismet to reduce spam. Learn how your comment data is processed.