ՔՈՒԷՅԹԻ Ս. ՎԱՐԴԱՆԱՆՑ ԵԿԵՂԵՑՒՈՅ ՀՈԳԵՒՈՐ ՀՈՎԻՒԸ՝ ԱՍՏՈՒԱԾԱՇՈՒՆՉԻ ԸՆԿԵՐՈՒԹԵԱՆ ԾՈՑԻ ԵՐԿԻՐՆԵՐՈՒ ՅԱՆՁՆԱԺՈՂՈՎԻ ՆԱԽԱԳԱՀ

0

Շաբաթ, 3 Նոյեմբեր 2018-ին, Աստուածաշունչի Ընկերութեան Ծոցի Երկիրներու Յանձնաժողովը կատարեց իր կիսամեայ լիակատար նիստը: Այս Յանձնաժողովի գլխաւոր աշխատող, յղացող ու առաջադրող անձը, ի պատիւ հայ ժողովուրդին, տոքթ. Հրայր Ճէպէճեանն է, Ընդհանուր Քարտուղարի պաշտօնով, որ կը ղեկավարէ Ծոցի եօթը երկիրներու մէջ տարուող աշխատանքը (Քուէյթ, ԱՄԷ, Քաթար, Պահրէյն, Օման, Եէմէն եւ Իրաք): Չորս տարին անգամ մը ժողովականներէն մաս մը կը դադրի՝ իր երկու շրջանը աւարտելուն պատճառով, եւ կը նշանակուին նոր անդամներ. հետեւաբար կ’ընտրուի նոր դիւան:
Աստուածաշունչի Ընկերութեան Ծոցի Երկիրներու Յանձնաժողովին մնայուն պատուոյ նախագահն է, Քուէյթի Աւետարանական Եկեղեցւոյ Համայնքապետ՝ Վերապատուելի Էմանուէլ Բենիամին Ղարիպ:
Յանձնաժողովը, որ կը բաղկանայ ինն անդամներէ, այս նիստին, յաջորդ չորս տարիներու շրջանին համար, նախագահ ընտրեց եկեղեցւոյս հոգեւոր հովիւ՝ Արժ. Տէր Արտակ Ա. Քհնյ. Քէհեաեան, փոխնախագահ՝ Հոգշ. Տէր Աարօ Ռիթքօնըն (Օմանէն) եւ հաշուապահ՝ պրն. Քուրիըն Վարկիզ (Քուէյթէն):
Յանձնաժողովը իր օրակարգերուն ընթացքին քննեց շրջաններու մէջ կատարուած բոլոր բազմաբնոյթ աշխատանքները՝ անցնող վեց ամիսներուն ընթացքին եւ արժեւորեց թէ՛ բարոյական եւ թէ նիւթական տեղեկագիրները: Ապա ներկայացուց յաջորդ շրջանի համար առաջադրուած աշխատանքը, մարտահրաւէրները եւ նոր ծրագիրներու կարեւոր հանգամանքը այս օրերու դժուարութիւնները յաղթահարելու համար:
Կը շնորհաւորենք Աստուածաշունչի Ընկերութեան Ծոցի Երկիրներու Յանձնաժողովի նոր անձնակազմն ու անոր դիւանը, ուժ եւ կորով կը մաղթենք անոնց, որպէսզի կարենան շարունակել «Աստուծոյ Խօսքը» տարածելու աստուածահաճոյ իրենց աշխատանքը, զոր կը տանին աշխարհի աւելի քան 200 երկիրներու մէջ իրենց ունեցած յանձնաժողովներուն միջոցաւ:

Share.

Leave A Reply

This site uses Akismet to reduce spam. Learn how your comment data is processed.