«ՄԱՐԶԱՇԽԱՐՀ»՝ ՀԵԾԵԼԱՐՇԱՒ. ԴԱՄԱՍԿՈՍԻ ԱԽՈՅԵԱՆԱԿԱՆ ՄՐՑՈՒՄՆԵՐԸ

0

Արաբական ՄիացեալՀանրապետութեան հեծելարշաւի ազգային խումբը կազմելու համար իւրաքանչիւր շրջան իր ախոյեանական մրցումները կատարեց։ Հալէպ արդէն աւարտած էր իր մրցումները։ Դամասկոսի շրջանի ախոյեանութիւնը շահեցաւ Սայիտ Թաաի, որ Բ. դասէն նոր բարձրացած էր Ա. դաս եւ տուած սքանչելի արդիւնք. պատուոյ տեղերը գրաւեցին Մահմուտ Տիպ եւ Եղիա Թոքաթլեան (ՀՄԸՄ)։ Ստորեւ Ուրբաթ եւ Կիրակի օրուան մրցումները.

Ուրբաթ 11 Ապրիլ 1958.- Դամակոս-Մաֆրաք Պաղտատ 50 քմ. (ժամացոյցի դէմ)։ Առաջին անգամ ըլլալով Դամասկոսի մէջ նման մրցում մըն էր, որ տեղի կ’ունենար, այս իսկ պատճառով տկար կազմակերպութեամբ աւարտին հասաւ։ Սաաիտ Ռատի շահեցաւ մրցումը (3 աստղ խումբէն) 1 ժամ 22.53-էն. Բ. Մահմուտ Տիպ (3 աստղ խումբէն) 1 22.44-էն, Գ. Սալահ Ռատի (3 աստղ խումբէն) 1 ժամ 24.50-էն. Դ. Եղիա Թոքաթլեան (ՀՄԸՄ) 1 ժամ 27.4-էն. Ե. Զարեհ Էքմէքճեան (ՀՄԸՄ) 1 ժամ 31.00., Է. Կարպիս Յակոբեան (ՀՄԸՄ) 1 ժամ 31.14-էն. Ը. Իպրահիմ Ֆալէստինի (3 աստղ խումբէն) 1 ժամ 36.5-էն. Թ. Մուհամմէտ Չէրքէզ (3 աստղ խումբէն) 1 ժամ 58.30-էն։

Կիրակի 13 Ապրիլ.- Դամասկոս-Այն Խատրա-Պըգէն-Զպտանի-Մէյսալուն-Դամասկոս (105 քմ.)։

«3 Աստղ»ի մարզիկները, որոնք շօշափելի առաւելութիւն մը արձանագրած էին Ա. մրցումին, կ’ուզեն այդպէս վերջացնել նաեւ այս մրցումը։ Անոնք ՀՄԸՄ-ին հեծելանիւորդներուն կը հետեւին քայլ առ քայլ։ ՀՄԸՄ-ականներ զգալով վտանգը, մրցման ղեկը ձեռք կ’առնեն եւ զօրաւոր յարձակումներով կ’ուզեն տկարացնել «3 աստղ»ի մարզիկները։ Կը յաջողին։ Արդարեւ Սալահ Ռաաի ետ կը մնայ, իսկ ՀՄԸՄ-ի տղաքը այս տեսնելով յարձակումները աւելի կը սաստկացնեն, այս պատճառով Սալահի երրորդութենէն կ’իջնէ 5-րդ դիրք, ժամանման գիծին, յոգնած Եղիան մեծ քաջութեամբ կը մտնէ երկրորդ, կիսանիւ տարբերութեամբ միայն պարտուելով Սայիտէն, որուն յաղթած էր նախորդ մրցումին։

Ստորեւ դասաւորումը.

1.- Սայիտ Ռաաի 3 ժամ 12.42.

2.- Եղիա Թոքաթլեան, նոյն ժամանակով

3.- Մահմուտ Տիպ, նոյն ժամանակով

4.- Զարեհ Էքմէքճեան նոյն ժամանակով

5.- Կարպիս Յակոբեան 3 ժամ 16.19

6.- Սալահ Ռաաի նոյն ժամանակով

7.- Ռամատան Չորպաճի 3 ժամ 16.43։

2-րդ փուլէն վերջ ընդհ. դասաւորում.-

1.- Սայիտ Ռաաի (3 աստղ) 4 ժամ 35.35

2.- Մահմուտ Տիպ (3 աստղ) 4 ժամ 37.26

3.- Եղիա Թոքաթլեան (ՀՄԸՄ) 4 ժամ 39.46

4.- Զարեհ Էքմէքճեան (ՀՄԸՄ) 4 ժամ 40.16

5.- Սալահ Ռաաի (3 աստղ) 4 ժամ 41.9

6.- Կարպիս Յակոբեան (ՀՄԸՄ) 4 ժամ 47.33

7.- Ռամատան Չորպաճի (բանակ) 4 ժամ 47.43։

Մրցումներուն ընդհ. պատասխանատուն էր Պ. Թէյսիր Մաշնուք։

Առաջին երեք մարզիկները Եգիպտոս մեկնեցան։

Մ. Օհանեան

Share.

Leave A Reply

This site uses Akismet to reduce spam. Learn how your comment data is processed.