ԱԶԳԱՅԻՆ ԺՈՂՈՎԻ ՄԷՋ ՄԵԿՆԱՐԿԱԾ Է ՀԵՐԹԱԿԱՆ ՔԱՌՕՐԵԱՅ ՆԻՍՏԸ

0

Հայաստանի Հանրապետութեան ազգային Ժողովէն ներս մեկնարկած է հերթական քառօրեայ նիստը: «Արմէնփրէս»ի համաձայն, 13 Նոյեմբերին նիստի օրակարգին վրայ է Հայաստանի Հանրապետութեան 2019-ի պետական պիւտճէի մասին օրէնքի նախագիծը:

Օրակարգի պարտադիր քննարկումին հարցերէն են նաեւ «Ապահովագրութեան եւ ապահովագրական գործունէութեան մասին»  ՀՀ օրէնքին մէջ լրացումներ կատարելու մասին , «Վճարահաշուարկային համակարգերու եւ վճարահաշուարկային կազմակերպութիւններու մասին»  օրէնքին մէջ լրացումներ եւ փոփոխութիւն կատարելու մասին, «Գրաւատուներու եւ գրաւատնային գործունէութեան մասին»,  «Արժութային կարգաւորման եւ արժութային վերահսկողութեան մասին» ՀՀ օրէնքներուն մէջ լրացում կատարելու մասին  օրէնքներու նախագիծերը:

Նիստի օրակարգին վրայ են նաեւ Հայաստանի Հանրապետութեան աշխատանքային օրէնսգիրքին մէջ փոփոխութիւն կատարելու մասին, «Արհեստակցական միութիւնների մասին» օրէնքներուն մէջ լրացումներ կատարելու , «Պետական կառավարման համակարգի մարմիններու մասին» ՀՀ օրէնքին մէջ փոփոխութիւն կատարելու, «Գովազդի մասին»  օրէնքին մէջ լրացումներ եւ փոփոխութիւններ կատարելու մասին , «Շահումով խաղերու, համացանցի շահումով խաղերու եւ խաղատուներու մասին» Հայաստանի Հանրապետութեան օրէնքին մէջ փոփոխութիւններ կատարելու մասին եւ ՀՀ քրէական օրէնսգիրքին մէջ փոփոխութիւն կատարելու մասին օրէնքներու նախագիծերը եւ շարք մը այլ նախագիծեր:

 

Share.

Leave A Reply

This site uses Akismet to reduce spam. Learn how your comment data is processed.