ՆԱԽԱԳԱՀ ԱՍԱՏ-ՃԱՊԻՐԻ  ՀԱՆԴԻՊՈՒՄ

0

Երկուշաբթի, 12 Նոյեմբեր 2018-ին, Սուրիոյ նախագահ Պաշշար ալ Ասատ ընդունեց Իրանի Արտաքին Գործոց նախարարի քաղաքական հարցերու օգնական Հուսէյն Ճապիրի Անսարին եւ անոր ընկերակցող պատուիրակութիւնը:

Հանդիպումին ընթացքին, կողմերը զրուցեցին Սուրիոյ եւ տարածաշրջանի քաղաքական զարգացումներուն շուրջ: Անոնք շեշտեցին Սուրիա-Իրան գործակցութեան կարեւորութիւնը, որպէս ԱՄՆ-ի եւ անոր գործակալներուն քաղաքականութիւնը դիմագրաւող գործօն:

Կողմերը զրուցեցին նաեւ ահաբեկչութեան դէմ պայքարին մէջ երկու երկիրներու ջանքերուն եւ ակնկալուող միասնական աշխատանքներուն շուրջ՝ յատկապէս անդրադառնալով Սուրիոյ մէջ սահմանադրութեան քննարկման յանձնախումբին առաջնահերթութիւններուն:

Հանդիպումին ներկայ էին Սուրիոյ Նախագահութեան տեղեկատուական եւ քաղաքական խորհրդատու դոկտ. Պուսայնա Շաապան, Սուրիոյ արտաքին գործոց փոխնախարար Ֆայսալ Միքտատ, Արտաքին Գործոց Նախարարութեան ասիական շրջանի վարչական տնօրէնը ու Դամասկոսի մէջ Իրանի դեսպանը:

Յաջորդ օրը, Սուրիոյ արտաքին գործոց նախարար Ուալիտ ալ Մուալլէմ եւս ընդունեց Ճապիրի Անսարին եւ անոր ընկերակցող պատուիրակութիւնը:

Հանդիպումին ընթացքին կողմերը զրուցեցին ռազմավարական յարաբերութիւններու ամրապնդման, յատկապէս Ասթանայի գործընթացի շրջագիծէն ներս տարուող քաղաքական աշխատանքներուն շուրջ: Անոնք հաստատեցին այս ծիրէն ներս երկու երկիրներու ջանքերուն համակարգումին կարեւորութիւնը:

Share.

Leave A Reply

This site uses Akismet to reduce spam. Learn how your comment data is processed.