ՆՈՒՌԻՆ ՕԳՏԱԿԱՐՈՒԹԻՒՆԸ

0

Նուռը գնդաձեւ խոշոր պտուղ մըն է, հաստ պտղամաշկով, թաղանթաւոր միջնապատերով: Անոր սերմերը բազմաթիւ են (ըստ աւանդութեան՝ 365 հատիկ) պատուած բաց վարդագոյնէն մինչեւ մուգ վարդագոյն (քաղցր, կիսաքաղցր), հիւթալի շեշտով:

Հինէն ի վեր տարբեր ժողովուրդներ անոր պտուղները օգտագործած են  ծիսական արարողութիւններու ընթացքին:

Վայրի նռնենին կ’աճի փոքր ‘ միջին Ասիոյ,  Անդրկովկասի , Իրանի եւ Աֆղանստանի մէջ:

Հայաստանի մէջ վայրի նռնենիին կը հանդիպինք Սիւնիքի ‘ Լոռիի մարզերուն  մէջ:

Նուռին հիւթը կը պարունակէ 8-19% շաքար եւ C կենսանիւթ, ուստի օգտակար է ծանր հիւանդութիւններէ ապաքինողներուն համար, բուժիչ է թէ՜ պտուղը եւ թէ կեղեւը:

Նուռը կը ծաղկի Մայիսէն – Օգոստոս ամիսներուն, իսկ Սեպտեմբերի վերջաւորութեան  կը հասուննայ նուռին պտուղը: Նուռին ծաղիկներէն ստացուած ներկը կ՜օգտագործուի ձեռագործներ ներկելու համար:

Պէտք է զայն հաւաքել  հասուն վիճակին, քանի որ նուռը պահուելով չի հասուննար:

Հայ ժողովոււրդին մօտ նուռը համարուած է առատութեան խորհրդանիշ:

Հայկական ճարտարապետական յուշարձաններու, խաչքարերու  վրայ յաճախ կարելի է տեսնել նռան պատկերով զարդաքանդակներ:

Նուռը կը պարունակէ կենսանիւթերր C, E, P, ինչպէս նաեւ B (B6,B12), երկաթ, ֆոսֆոր եւ այլն:

Նուռին օգտակար յատկութիւնները.-

 

1_ Հորմոններու աշխուժացում

 Նուռի հատիկներու կորիզներուն մէջ գտնուող իւղը կը վերականգնէ օրկանիզմին հորմոնի հաւասարակշռութիւնը: Այս իսկ պատճառով թելադրելի է ուտել անոր սերմերը:

2_Բնական ինսուլին

Օրուան մէջ 4 անգամ  կէս թէյի դգալ նռան հիւթ խմելով կարելի է նուազեցնել արեան շաքարին մակարդակը:

3_Կը բարձրացնէ հեմոկլոպինը

Նուռը հին ժամանակներէն յայտնի է, որպէս արեան տկարութեան դէմ պայքարելու  լաւագոյն միջոց :

Անոնք, որոնք  արեան տկարութենէ կը տառապին, օրական 3 անգամ նուռ ուտելու պարագային 2 ամսուան ընթացքին նկատառելի բարելաւում կը զգան:

4_բերանի ‘ կոկորդի ախտազերծում

Բերանն ու կոկորդը նուռին հիւթով ողողելը օգտակար է: Կը նպաստէ անոնց ախտազերծման

5_Կ’իջեցնէ ճնշումը

Նուռին սերմերը իսկական գանձ են, որովհետեւ անոնք կ’իջեցնեն զարկերակային ճնշումը՝ օրկանիզմին վրայ ոչ մէկ  ազդեցութիւն ձգելով:

 Նուռի պտուղին չորցած թաղանթները թէյին մէջ աւելցնելով կը հանգստանայ լիարդի համակարգը, կը կարգաւորուի գիշերուան քունը ‘ անձը հանգիստ ջղային համակարգ կ՛ունենայ:

6_Գեղագիտական օգտակար միջոց է

Նուռին քերուած կեղեւը եթէ խառնենք կարագի կամ ձիթապտուղի իւղին հետ,  կը ստանանք մաշկի չորութիւնը ապահովող լուծոյթ մը: Իսկ չորցած կեղեւին փոշիով կարելի է բուժել  այրուածքը: Նուռը կանոնաւոր կերպով օգտագործելու պարագային  մեր մաշկին որակը կը բարելաւուի:

7- Կը պայքարի բորբոքումին դէմ

Նուռի կեղեւին թուրմը բորբոքային հիւանդութիւններու ընթացքին կը զօրացնէ ներքին օրկաններուն դիմադրողականութիւնը:

Նուռը, ե՛ւ իր խորհրդանշական իմաստով, ե՛ւ որպէս ազգային զարդանախշ, լայն տարածում  ունեցած է հայկական ճարտարապետութեան, գորգագործութեան, կիրառական արուեստի մնացեալ տեսակներուն եւ մանրանկարչութեան մէջ (Գրիգոր Խլաթեցիի, Թորոս Տարոնացիի, Թորոս Ռոսլինի նկարազարդած, Հաղպատի եւ այլ Աւետարաններ)։

Նուռը՝ որպէս Հայաստանի մէջ տարածուած պտուղներէն մէկը եւ որպէս հետաքրքրական ձեւ ունեցող պտուղ, մշտապէս գրաւած է հայ նկարիչներն ու քարագործ վարպետները, իսկ որպէս բանաստեղծի, ստեղծագործող անհատի հոգեկան աշխարհի բազմանիստ արտայայտութիւն, տեղ գտած է նաեւ Սերկէյ Փարաջանովի հանրայայտ շարժապատկերին մէջ։ Արդի հայ կիրառական արուեստին մէջ, որպէս հայկական յուշանուէր, մեծ տարածում ունին փայտէ պատրաստուած նռան օրինակները, քիչ չեն նաեւ արծաթէ զարդանախշերը։

Հայաստանի մէջ նուռը, ինչպէս անցեալին, այսօր եւս կը կիրառուի բուժման համար, իսկ նռան գինին մշտապէս իր ուրույն տեղը կը գրաւէ  հայկական գինեգործութեան մէջ։

Share.

Leave A Reply

This site uses Akismet to reduce spam. Learn how your comment data is processed.