ԿՆՈՋԱԿԱՆ՝ ՆՈՅԵՄԲԵՐ Ե./2018

0

ԳԵՏՆԱԽՆՁՈՐ

Դժուար է գտնել մէկը, որ ախորժակով չ՛ուտեր գետնախնձորը: Գետնախնձոր ուտելը  ոչ միայն հաճելի է, այլեւ կը նպաստէ մեր  օրկանիզմին  առողջութեան:

ԳԵՏՆԱԽՆՁՈՐԻՆ ՕԳՏԱԿԱՐ ՅԱՏԿՈՒԹԻՒՆՆԵՐԸ

Ծանրութեան յաւելում

Գետնախնձորը կը պարունակէ C եւ B  կենսանիւթերը: Անոնք, որոնք կը փափաքին իրենց մարմինին ծանրութիւնը աւելցնել, կրնան իրենց սնունդին մէջ յաճախակիօրէն գետնախնձոր ներառել:

Մարսողութիւն

Գետնախնձորը կը պարունակէ ածխաջրեր, որոնցմով կը նպաստէ մարսողութեան:

 

Մաշկի խնամք

 

Եթէ կ’ուզէք  վերացնել ձեր մաշկին սեւ  կէտերն ու բշտիկները, խաշած գետնախնձորը ճզմեցէք, վրան մեղր աւելցուցէք ու այս դիմակը դէմքին վրան տարածեցէք: 20 վայրկեան վերջ ջուրով լուացէք ձեր դէմքը: Արդիւնքը պիտի գոհացնէ ձեզ: Այս գործողութիւնը կրկնեցէք շաբաթը երկու անգամ:

Արմուկներուն եւ ձեռքերուն մաշկը փափուկցնելու եւ մաքրելու համար եւս կրնաք օգտագործել գետնախնձորը:

Բորբոքումի Բուժում

Գետնախնձորը կը բուժէ ներքին եւ արտաքին բորբոքումները: Պարունակելով C եւ B6 կենսանիւթերը, ան իր դիւրամարս յատկութեամբ կը մեղմացնէ աղիքներուն մարսողական համակարգի  բորբոքումները: Աղիքներու բորբոքումի պարագային միակ բնական դեղը գետնախնձորն է:

 

Արեան ճնշումի հակակշռում

Գետնախնձորին պարունակած  C եւ B կենսանիւթերը կը  նպաստեն  արեան բարձր ճնշումի նուազումին, սակայն եթէ անձը շաքարախտէ կը տառապի, այս պարագային ան պէտք է խուսափի գետնախնձորէն:

 

Աղիքներու թուլութեան դէմ պայքարող սնունդ

Անոնք, որոնք կը տառապին աղիքներու թուլութենէ, կրնան յաճախակիօրէն գետնախնձոր օգտագործել:

ԳԵՏՆԱԽՆՁՈՐԸ Ո՞Ր ՊԱՐԱԳԱՆԵՐՈՒՆ ՊԷՏՔ ՉԷ ՕԳՏԱԳՈՐԾԵԼ

-Երբ գետնախնձորը թոշնած է

-Երբ գետնախնձորը խոհանոցի մէջ երկար ատեն  կը մնայ, ան կը սկսի թոշնիլ եւ չորնալ՝ դառնալով կնճռոտ եւ փափուկ: Այս պարագային գետնախնձորը պէտք չէ օգտագործել, որովհետեւ անոր սոլանինի մակարդակը կը բարձրանայ եւ գետնախնձորը  թունաւոր կը դառնայ:

-Երբ գետնախնձորը ծլած է

-Եթէ գետնախնձորը որոշ շրջան մը չօգտագործենք, ան կը սկսի ծլիլ:

Ծլած գետնախնձորը երկու տեսակ կ’ըլլայ՝  չոր կամ փափուկ: Առաջինը կարելի է  օգտագործել, անոր ծլած բաժինները կտրելէ ետք, իսկ երկրորդը բնաւ պէտք չէ օգտագործել, որովհետեւ բոունաւոր նիւթ կը պարունակէ:

-Երբ  գետնախնձորին վրայ  կանաչ մասեր յառաջացած են

-Գետնախնձորը որքան շատ մնայ  արեւի ճառագայթներուն  տակ, անոր մէջ այնքան աւելի շատ կ’արտադրուի սորանինը, որ մեծաքանակ  թոյն է օրկանիզմին համար:

-Կանաչ մասեր պարունակող գետնախնձորը պէտք չէ ամբողջովին թափել , կարելի է միայն կտրելով հանել այդ կանաչ մասերը, ետքը օգտագործել զայն:

Ինչպէ՞ս իմանալ, թէ թունաւորուած էք գետնախնձորէն

Գետնախնձորի թունաւորումը նախ կ՛ազդէ ստամոքսի աշխատանքին վրայ: Թունաւորումի առաջին ախտանշանը  կը զգաք ուտելէն 8-10 ժամ վերջ: Եթէ թոյնի կուտակման մակարդակը բարձր է, կը տուժէ նաեւ կեդրոնական լիարդի համակարգը:

Թունաւորուած ըլլալու պարագային հետեւեալ ախտանշանները կը յայտնուին.- փսխունք, փորի ցաւ, գլխու ցաւ, դող, տաքութիւն, տեսողութեան դժուարութիւն եւ այլն:

Գետնախնձորի Փիւրէյով Միս

Բաղադրութիւն

0,5 քլկ. Հորթի հարուած միս

2 կանաչ պղպեղ (մանրուած)

2 կարմիր պղպեղ (մանրուած)

1 Սոխ (մանրուած)

1 քլկ. փիւրէի  վերածուած գետնախնձոր

2 ստեպղին (խաշած ու մանրուած)

Լոլիկի եւ պղպեղի խոյս (մէկական թէյի դգալ)

Աղ, կարմիր փոշի պղպեղ, սեւ  պղպեղ

Պատրաստութիւն

Սոխն ու միսը տապկել, աւելցնել մանրուած պղպեղն ու ստեպղինը, ապա նաեւ համեմները, լոլիկի եւ պղպեղի խոյսերը: Խառնուրդին աւելցնել կէս գաւաթ ջուր ու մեղմ կրակի վրայ եփել 15 վայրկեան:

Այս խառնուրդը պարպել միջակ չափով փայրէքսի մը մէջ, վրան տարածել գետնախնձորի փիւրէն ու փուռին մէջ, 60 տաքութեամբ եփել մինչեւ որ փիւրէն ոսկեգոյն դառնայ:

Եփելէն ետք, զարդարել ազատքեղի տերեւներով:

Share.

Leave A Reply

This site uses Akismet to reduce spam. Learn how your comment data is processed.