ՄԱՐԶԱԿԱՆ՝ ՆՈՅԵՄԲԵՐ Ե./2018

0

ՏԵՂԱԿԱՆ

Սուրիոյ Պասքեթի Տղոց Հաւաքականը Չինաստան Մեկնեցաւ

Ուրբաթ, 23 Նոյեմբեր 2018-ին, Սուրիոյ պասքեթի տղոց առաջին խումբը մեկնեցաւ Չինաստան, ուր ուսումնամարզական հաւաք մը պիտի կատարէ նախքան Նիւզելանտայի եւ Չինաստանի դէմ տեղի ունենալիք 2019-ի համաշխարհային մրցումներու զտման մրցումները: Սոյն հաւաքին, կազմը օրուան ընթացքին երկու փորձ պիտի կատարէ, ինչպէս նաեւ բարեկամական մրցում մը՝ Չիանկ Սօ կազմին հետ: 29 Նոյեմբերին Շանկհայ քաղաքի Պոշան մարզադաշտին վրայ Սուրիոյ հաւաքականը մրցակից պիտի ունենայ Չինաստանը, որմէ ետք պիտի ուղղուի Ուինկթըն, ուր պիտի մրցի Նիւզելանտայի դէմ: Յիշենք, որ Սուրիոյ հաւաքականին մաս կը կազմէ ՀՄԸՄ-ի տղոց խումբի խաղցող Սեպուհ Խարաճեան:

ՀԱՅԿԱԿԱՆ

Նախագահ Սարգիսեան Պարգեւատրեց Սիմոն Մարտիրոսեանը Եւ Գոռ Մինասեանը

Հայաստանի Հանրապետութեան նախագահ Արմէն Սարգսեանի հրամանագրով՝ Ծանրամարտի աշխարհի առաջնութեան փառահեղ յաղթանակին եւ Հայաստանի Հանրապետութիւնը միջազգային մրցաշարքերուն ընթացքին պատուաբեր ձեւով ներկայացնելու համար ծանրորդ Սիմոն Մարտիրոսեանը պարգեւատրեց «Հայրենիքին մատուցած ծառայութիւններու համար» 2-րդ աստիճանի շքանշանով, ինչպէս նաեւ Ծանրամարտի աշխարհի առաջնութեան փայլուն մրցոյթին համար Երախտագիտութեան մետալով պարգեւատրեց ծանրորդ Գոռ Մինասեանը: Նախագահական նստավայրին մէջ տեղի ունեցած պարգեւատրումի արարողութեան ընթացքին Նախագահ Սարգսեան, շնորհաւորելով դիւանագէտներն ու մարզիկները, ըսաւ. «Այս յաղթանակները միջազգային յաղթանակներ են՝ մէկը մարզական, միւսը՝ դիւանագիտական: Եւ, ի հարկէ, երկու պարագաներուն ալ մեր երկիրը ներկայացուեցաւ փայլուն ձեւով: Կը մաղթեմ, որ այս վերջինը չըլլայ, այլ դառնայ յառաջիկայ յաղթանակներուն հիմնաքարը»:

ՄԻՋԱԶԳԱՅԻՆ

Պարսելոնայի Կիսապաշտպանը Վեց Ամիս Պիտի Բացակայի

Պարսելոնայի կիսապաշտպան Ռաֆինիա Ալկանտարա Շաբաթ օր Աթլէթիքոյի դէմ տեղի ունեցած մրցումին ընթացքին ծանրօրէն վիրաւորուեցաւ, որուն հետեւանքով 6 – 8 ամիսով պիտի բացակայի խումբէն: Քաթալոնէական ակումբի մամլոյ ծառայութիւնը հաղորդեց որ Ռաֆինիա ենթարկուած է բժշկական քննութեան. 25-տարեկան ֆութպոլիստին ձախ ծունկը ծանրօրէն վնասուած է: Այսպիսով, Ռաֆինիա վեց ամիս շարունակ  պիտի բացակայի մրցաշրջանի մնացած խաղերէն:

Share.

Leave A Reply

This site uses Akismet to reduce spam. Learn how your comment data is processed.