ՌՈՊԵՐԹ ՔՈՉԱՐԵԱՆԻ ԽԱՓԱՆՄԱՆ ՄԻՋՈՑԻ ՎԵՐԱԲԵՐԵԱԼ ՎԵՐԱՔՆՆԻՉ ՈՐՈՇՈՒՄԸ ՊԻՏԻ ՀՐԱՊԱՐԱԿՈՒԻ 7 ԴԵԿՏԵՄԲԵՐԻՆ

0

Հայաստանի Հանրապետութեան 2-րդ նախագահ Ռոպերթ Քոչարեանի փաստաբանական խումբը դիմատետրի էջին միջոցաւ յայտնեց, որ Ռոպերթ Քոչարեանի խափանման միջոցի վերաբերեալ վերաքննիչ որոշումը պիտի հրապարակուի 7 Դեկտեմբերին:

«Հայաստանի Հանրապետութեան երկրորդ նախագահ Ռոպերթ Քոչարեանի նկատմամբ առաջին ատեանի դատարանի կողմէն ընտրուած խափանման միջոց կալանաւորման որոշումին դէմ բերուած վերաքննիչ որոշումը պիտի հրապարակուի 7 Դեկտեմբերին՝ ժամը 16:00-ին:

Քիչ առաջ Վերաքննիչ քրէական դատարանէն ներս աւարտեցաւ պաշտպանական կողմի ներկայացուած բողոքի քննութիւնը եւ դատարանը հեռացաւ խորհրդակցական սենեակ», կ’ըսուի գրառումին մէջ:

Վերաքննիչ քրէական արդէն 5-րդ օրն է, որ կը շարունակէ ՀՀ երկրորդ նախագահ Ռոպերթ Քոչարեանի նկատմամբ ընտրուած խափանման միջոց կալանաւորման որոշումը անձեռնմխելիութեան հիմքով վերացնելու վերաբերեալ բողոքի քննութիւնը: Ռ. Քոչարեանը կը մեղադրուի սահմանադրական կարգը տապալելու մէջ։

 

Share.

Leave A Reply

This site uses Akismet to reduce spam. Learn how your comment data is processed.