ԱՐԾՐՈՒՆ ՅՈՎՀԱՆՆԻՍԵԱՆ. «ՆԱԽԻՋԵՒԱՆԵԱՆ ՀԱՏՈՒԱԾԻՆ ՄԷՋ ՀԱԿԱՌԱԿՈՐԴԸ ՈՉ ՄԷԿ ԴԻՐՔԻ ՎՐԱՅ ՅԱՌԱՋԱՑԱԾ Է ՀԱՅԿԱԿԱՆ ԴԻՐՔԵՐՈՒ ՀԱՇՒՈՅՆ»

0

Հայաստանի Հանրապետութեան պաշտպանութեան նախարարի մամուլի խօսնակ Արծրուն Յովհաննիսեան դիմատետրի իր էջին վրայ գրած է.

«Որոշ քաղաքական գործիչներ նախընտրական այս փուլին մէջ կրկին կը շահարկեն սահմանի թեմաները: Նշած ենք, որ պիտի չխորանանք այդ հարցերուն մէջ: Միայն կարճ տեղեկանք մը.

ա. Նախիջեւանեան հատուածի մէջ ոչ մէկ դիրք հակառակորդը չէ յառաջացած հայկական դիրքերու հաշւոյն: Ոչ մէկ վերահսկողութիւն ոչ մէկ հատուածի մէջ ստացած է, քանի որ եթէ տեսնելով կարելի է վերահսկել, ես անձամբ հրապարակեցի իմ վերահսկողութեան տակ գտնուող նախիջեւանեան բոլոր քաղաքներու նկարները:

բ. Երկու կողմէն դիրքերու առաջ տալը սկսած է Փետրուար-Մարտ ամիսին, յատուկ կը շեշտեմ՝ Փետրուար-Մարտ եւ ոչ մէկ պարագայի ոչ այլ ամիսներուն: Հետեւաբար ձեր յարմարութեամբ դէպքերու ամիսները մի խառնէք:

գ. Տակաւին մեծ հարց է՝ որ կողմը է որքան դիրք առաջ տուած է եւ վերջաւորութեան ինչ արդիւնքի հասած է:

դ. Մարտէն ետք որեւէ նոր դիրք հակառակորդը առաջ չէ տուած, ողջ գործընթացը եղած է գարնան, յետոյ երկու կողմէն ընթացած են չափագիտական աշխատանքներ:

Եւ վերջաւորութեան յայտնենք, որ առնուազն ազնիւ չէ տիրապետելով այդ գործողութեան ուղղութեան ընդհանուր դիրքային շրջագիծին՝ չնշել, որ դիրքերու գերակայութիւնը կը պատկանի հայկական կողմին»:

 

Share.

Leave A Reply

This site uses Akismet to reduce spam. Learn how your comment data is processed.