ԶՈՀՐԱՊ ՄՆԱՑԱԿԱՆԵԱՆԸ ՀԱՆԴԻՊԱԾ Է ՖԵՏԵՐԻՔԱ ՄՈԿԵՐԻՆԻԻ ՀԵՏ

0

4 Դեկտեմբերին Պրիւքսէլ կատարած աշխատանքային այցելութեան շրջանակներուն մէջ Հայաստանի Հանրրապետութեան արատաքին գործոց  նախարարի պաշտօնակատար Զոհրապ Մնացականեանը հանդիպում ունեցաւ Եւրոպական Միութեան արտաքին գործերու եւ անվտանգութեան քաղաքականութեան հարցերով բարձր ներկայացուցիչ, Եւրոպական Յանձնաժողովի փոխնախագահ Ֆետերիքա Մոկերինիին հետ։

Արտաքին գործոց նախարարը եւ Եւրոպական Միութեան Բարձր ներկայացուցիչը քննարկեցին Հայաստան-Եւրոպական Միութիւն օրակարգի շարք մը հարցեր: Զոհրապ Մնացականեան ընդգծեց, որ Հայաստանի նոր կառավարութիւնը մշտապէս ի ցոյց դրած է իր յանձնառութիւնը եւ քաղաքական կամքը՝ արդիւնաւէտօրէն կիրարկելու ՀՀ-ԵՄ Համապարփակ եւ ընդլայնուած գործընկերութեան համաձայնագիրը եւ գործնական քայլեր կատարած է այս ուղղութեամբ:

Արտաքին գործոց նախարարի պաշտօնակատարը ներկայացուց Հայաստանի կառավարութեան՝ ժողովուրդի կողմէն տրուած լայն լիզօրութեան հիման վրայ բարեփոխումներու իրականացման ուղղութեամբ գրանցած ձեռքբերումները։ Անդրադառնալով Հայաստանի մէջ տեղի ունենալիք արտահերթ խորհրդարանական ընտրութիւններուն՝ նախարար Մնացականեան ընդգծեց, որ վստահելի եւ արդար ընտրութիւններու անցկացումը Հայաստանի կառավարութեան առաջնահերթութիւններէն է։

Նախարարի պաշտօնակատար Զոհրապ Մնացականեանը Եւրոպական Միութեան պաշտօնեային տեղեկացուց Լեռնային Ղարաբաղի խաղաղ գործընթացին շուրջ վերջին զարգացումները եւ վերահաստատեց Հայաստանի՝ Մինսքի խմբակի համանախագահներու հովանիին ներքեւ հիմնահարցին բացառապէս խաղաղ լուծման յանձնառութիւնը։

 

Share.

Leave A Reply

This site uses Akismet to reduce spam. Learn how your comment data is processed.