ՆԱԽԱԳԱՀ ԱՍԱՏ. «ԱՐԵՒՄՈՒՏՔԻ ԾՐԱԳԻՐՆԵՐՈՒՆ ՁԱԽՈՂՈՒԹԻՒՆՆ ՈՒ ԱՆԿԱԽ ԵՐԿԻՐՆԵՐՈՒ ԿԱՅՈՒՆՈՒԹԻՒՆԸ ԿՐՆԱՆ  ՀԱՒԱՍԱՐԱԿՇՌԵԼ ՄԻՋԱԶԳԱՅԻՆ ԲԵՄԸ»

0

Երեքշաթբի, 4 Դեկտեմեր 2018-ին, Սուրիոյ նախագահ Պաշշար ալ Ասատ ընդունեց Քորէայի ժողովրդային ժողովրդավարական Հանրապետութեան արտաքին գործոց նախարարն ու անոր ընկերակցող պատուիրակութիւնը:

Հանդիպումին ընթացքին քննարկուեցան երկու երկիրներու պատմական ու բարեկամական յարաբերութիւնները եւ անոնց զարգացման միջոցները:

Քորէայի արտաքին գործոց նախարարը նախագահ Քիմ Ճոնկ Օնի բերանացի նամակը փոխանցեց Սուրիոյ նախագահին, դիտել տալով որ Քորէայի ժողովրդային ժողովրդավարական Հանրապետութիւնը զօրավիգ կը կանգնի Սուրիոյ ու կը շնորհաւորէ ահաբեկչութեան դէմ անոր արձանագրած յաղթանակները, վստահ է նաեւ որ Սուրիա յառաջիկայ տարիներուն պիտի վերականգնի, որովհետեւ վերականգնումը պիտի իրականանայ  քաղաքական ե զինուորական յաղթանակներու պատուանդանին վրայ:

Նախարարը պարզաբանեց նաեւ իր երկրի արտաքին քաղաքականութեան մարտահրաւէրները, յայտնելով որ Քորէայի ժողովրդային ժողովրդավարական Հանրապետութիւնն ու Սուրիան, ինչպէս նաեւ բռնատիրութիւնն ու արտաքին միջամտութիւնը մերժող բոլոր երկիրները նոյն թշնամիին դէմ կը դնեն, այս իսկ պատճառով անոնց գործակցութիւնը աւելի քան կարեւոր կը համարուի:

Իր կարգին, նախագահ Ասատ շեշտեց, որ հակառակ այն իրողութեան, որ Քորէայի ժողովրդային ժողովրդավարական Հանրապետութիւնն ու Սուրիան տարբեր բնոյթ կրող պատերազմներ կը մղեն, այնուամենայնիւ այդ պատերազմներուն նպատակը մէկ է՝ տկարացնել անկախ որոշումի տէր երկիրները եւ վերագծել աշխարհի քարտէզը:

Սուրիոյ նախագահը յայտնեց, որ հակառակ այս բոլորին, արեւմուտքի ծրագիրներուն ձախողումն ու անկախ երկիրներու կայունութիւնը կրնան  հաւասարակշռել միջազգային բեմը:

Share.

Leave A Reply

This site uses Akismet to reduce spam. Learn how your comment data is processed.