ՊԵԼՃԻՔԱՅԻ ԳԱՂՏՆԻ ՍՊԱՍԱՐԿՈՒԹԵԱՆ ՄԱՐՄԻՆԸ ՊԱՇՏՕՆԱԿԱՆ ԶԵԿՈՅՑ ՄԸ ՀՐԱՊԱՐԱԿԵՑ

0

Չորեքշաբթի, 5 Դեկտեմբեր 2018-ին, Պելճիքայի գաղտնի սպասարկութեան մարմինը պաշտօնական զեկոյց մը հրապարակեց՝ յայտնելով որ բանտերուն մէջ տիրող ծայրայեղ ահաբեկչական երեւոյթները երկրին  վտանգ կը սպառնայ:

Զեկոյցին համաձայն, ներկայիս Պելճիքայի բանտերը կ’ընդգրկեն ահաբեկչութեան մեղադրանքով ձերբակալուած աննախընթաց թիւով բանտարկեալներ, ինչ որ երկիրը, ամէն  ժամանակներէ աւելի, ծայրայեղութեան վարակին դէմ յանդիման կը դնէ:

Զեկոյցին մէջ կը հաստատուէր, որ 2014-ի սկիզբէն, Պելճիքա աւելի քան 400  ահաբեկիչ արտածեց Սուրիա: Անոնց երեք քառորդը Պելճիքա վերադարձած է, մաս մը Սուրիոյ  մէջ  սպանուած է, իսկ 150 ահաբեկիչ մինչեւ այսօր Սուրիա կը գտնուի:

Պելճիքա նախորդ տարիներուն, մէկէ աւելի անգամներ  ՏԱՀԵՇ-ի ահաբեկչական յարձակումներուն ենթարկայ դարձաւ: Առաջինը 2016-ին, Պրուքսէլի մէջ, որուն ընթացքին 32 քաղաքային զոհուեցաւ, երկրորդը 2018-ին, Լիէճի մէջ, ուր 3 քաղաքային զոհուեցաւ:

Յիշենք, որ Սուրիոյ նախագահ Պաշշար ալ Ասատ նախապէս յայտնած էր, որ Սուրիոյ մէջ տեղի ունեցած տագնապը անոր սահմաններէն ներս պիտի չմնայ: Ան Երկրաշարժ մըն է, որ տարածաշրջանն ու աշխարհը ամբողջութեամբ պիտի ցնցէ:

Share.

Leave A Reply

This site uses Akismet to reduce spam. Learn how your comment data is processed.