ԿԱՐԵԼԻ ՉԷ ԱՅՍՕՐՈՒԱՆ ՇԱՀԵՐՈՒՆ ՀԱՄԱՐ ԱԶԳԱՅԻՆ ԿԱՐԵՒՈՐ ԱՐԺԷՔՆԵՐԸ  ՄՐՈՏԵԼ

0

ՀՅԴ Գերագոյն Մարմինի ազատամարտիկներու յանձնախումբի պատասխանատու, պահեստազօրի գնդապետ, Արցախեան ազատամարտի մասնակից, Շուշիի առանձին հրաձգային գումարտակի  ՀՅԴ շտապի պետ, ՀՅԴ Կիւմրիի ջոկատի հրամանատար Արտաշէս Մխիթարեան դիմատետրի իր էջին գրած է.«Երկար տարիներ Արցախի նիւթը դադրած էր Հայաստանի ներքաղաքական շահարկումներուն առարկան դառնալէ: Երկար ատենէ ի վեր ոչ ոք Հայաստանէն մատ թափ տուած էր Արցախի ուղղութեամբ: Յանկարծ Արցախը դարձաւ ուրիշ երեւոյթներու հետ համեմատութեան առարկայ: 

«Երէկ ալ այլ համեմատութիւն մը լսեցինք՝ համեմատութիւն ազատամարտիկներու միջեւ: Այս վերջին երեւոյթէն մենք խուսափած ենք ազատամարտի տարիներուն, այսօր ալ նման նիւթի շահարկումը խիստ վտանգաւոր կը համարենք: Եթէ նոյնիսկ ոեւէ մէկը սխալ ձեւով միտքը ձեւակերպած է, պէտք չէ առիթը օգտագործել նման համեմատութիւններ կատարելու համար: 

«Ես` որպէս ազատամարտիկ, այս բանավէճի մասնակիցներուն կ’ուզեմ սթափութեան կոչ ուղղել եւ յիշեցնել, որ ընտրութիւնները վերջանալու վրայ են, եւ մենք դէմ յանդիման պիտի մնանք մեր հարցերուն հետ: Կարելի չէ այսօրուան շահերուն համար ազգային կարեւոր արժէքները մրոտել»:

Share.

Leave A Reply

This site uses Akismet to reduce spam. Learn how your comment data is processed.