ՈՒՔՐԱՆԻԱՆ ԽԶԵՑ ՌՈՒՍԻՈՅ ՀԵՏ ԲԱՐԵԿԱՄՈՒԹԵԱՆ ՊԱՅՄԱՆԱԳԻՐԸ

0

«Ինթերֆաքս-Ուքրանիա» գործակալութիւնը կը հաղորդէ, որ Ուքրանիոյ ժողովրդական պատգամաւորները հաւանութիւն տուած են Ուքրանիոյ եւ Ռուսիոյ միջեւ բարեկամութեան, համագործակցութեան եւ գործընկերութեան մասին պայմանագիրի գործողութեան դադրեցումին:

Համապատասխան նախագահական օրինագիծի օգտին 277 ժողովրդական պատգամաւոր քուէարկած է խորհրդարանի 6 Դեկտեմբերի լիագումար նիստին ընթացքին: Օրէնքի նախագիծին համաձայն՝ Բարեկամութեան պայմանագիրի գործողութիւնը կը դադրի 1 Ապրիլ 2019-էն սկսեալ:

Ուքրանիոյ եւ Ռուսիոյ միջեւ Բարեկամութեան մասին պայմանագիրը ստորագրուած Էր Մայիս 1997-ին, խորհրդարանը զայն վաւերացուցած Էր Յունուար 1998-ին:

3 Դեկտեմբեր 2018-ին Ուքրանիոյ նախագահ Փիոթր Փորոշենքօն խորհրդարան օրինագիծ ներկայացուցած էր այդ պայմանագիրի գործողութեան դադրեցումին մասին:

 

 

Share.

Leave A Reply

This site uses Akismet to reduce spam. Learn how your comment data is processed.