«ՄԱՐԶԱՇԽԱՐՀ»՝ Գ. ՏԱՐԻ ԹԻՒ 41

0

ՏՈՄՍԵՐ

 

ՄԱՐԶԻԿ ԶՕՐԱՎԱՐ ՄԸ

Փարիզի վազքի ակումբին նախագահը 71 ամեայ զօրավար մըն է որ 5000 մեթրը 27 վայրկեանէն կը վազէ, կէս ժամէն մէկ քիլոմեթր կը լողայ եւ իր ճշդած ժամը մէկ վայրկեան իսկ չանցնելով կը կտրէ 30 քիլ. ճամբան։ Արդ այս սփորթմէն զօրավարը, որ գալ տարի ամբողջ Ֆրանսան մէկ ծայրէն միւսը քալելով կտրելու կը պատրաստուի, իրա համար հիացողներուն «Երիտասարդ մնալուն գաղտնիքը ի՛նչ է զօրավարս» հարցումին պատասխանած է ըսելով.

– Երբեք չըսել որ «այլեւս ծերացայ»։ Ծայրայեղ սփորի հակառակ եմ։ Մայրս 90 տարեկան է, նապաստակի մը պէս վազէ Միշտ երիտասարդներու մէջ ապրեցայ։ Ինծի այնպէս կու գայ որ երիտասարդութիւնը անոնցմէ փոխանցուեցաւ ինծի։ Լաւատեսութիւն եւ շարժում։ Ահա երկու զէնքեր, որոնք ծերութիւնը հեռու կը պահեն։

Բառ մը իսկ աւելցնել այս պերճախօս խօսքերուն վրայ աւելորդ կը նկատենք։

ԱՍՏՂԻԿ

Share.

Leave A Reply

This site uses Akismet to reduce spam. Learn how your comment data is processed.