ԸՆՏՐԵՑԷՔ ՁԵՐ ՆԱԽԸՆՏՐԱԾ ԿԱՂԱՆԴ ՊԱՊՈՒԿԸ ԵՒ ԻՄԱՑԷՔ, ԹԷ Ի՛ՆՉՊԻՍԻ ՆՈՐՈՒԹԻՒՆՆԵՐ ՁԵԶԻ ԿԸ ՍՊԱՍԵՆ 2019-ԻՆ

0

Շատեր կը հետաքրքրուին հոգեբանական խաղերով։ Ոմանք ժամանցի համար, ուրիշներ՝ ոգեւորուելու եւ լաւատեսութեամբ դիմաւորելու Նոր Տարին:

Նախքան Ամանորը այս փորձ-խաղը  հաճելի պիտի թուի ձեզի:

Ներկայացուած նկարներուն մէջէն ընտրեցէք Կաղանդ Պապուկի Ձեր նախասիրած պատկերը եւ իմացէք, թէ 2019 թուականը ինչպիսի՛ անակնկալներ պատրաստած է Ձեզի համար։

ԿԱՂԱՆԴ ՊԱՊՈՒԿ -1-

Ամենայն հաւանականութեամբ դուք այն մարդոցմէ էք, որոնք յաճախ կը կրկնեն, որ բաժակին կէսը լեցուն է։ Ձեզի համար կեանքը՝ հաճելի արկածախնդրութիւն մըն է, լի՝ անակնկալներով։

2019-ին Ձեզի կը սպասեն հաճելի եւ նշանակալից դէպքեր, որովհետեւ դուք բաց էք նոր տպաւորութիւններու, նոր մտածելակերպի  համար եւ պատրաստ էք փոփոխութիւններու։

Դուք երբեք ճնշուած կամ  կաշկանդուած պահեր պիտի չունենաք։ Դուք լի էք նոր ձեռքբերումներու կիրքով եւ իւրաքանչիւր նուաճում հաճելի անակնկալներ պիտի պարգեւէ ձեզի։

ԿԱՂԱՆԴ ՊԱՊՈՒԿ -2-

Անկախութիւն ձեռք պիտի բերէք ձեր աշխատանքին ու կեանքին մէջ: Ձեր ճամբան խանգարող ոչ մէկ արգելք գոյութիւն ունի:

Ձեր գեղարուեստական ունակութիւնները ամենայն հաւանականութեամբ նոր տարուան ընթացքին շահոյթի աղբիւր պիտի դառնան։

Ձեր աշխատանքին մէջ յաջողութեան հասնելու համար ստիպուած պիտի չըլլաք տքնելու. պարզապէս պէտք է ձեր սկզբունքներուն հանդէպ հաւատարիմ մնաք եւ պիտի ստանաք այն ամէնը, որուն կը ձգտիք:

ԿԱՂԱՆԴ ՊԱՊՈՒԿ -3-

Դուք հաւանաբար զգայուն մարդ էք։ Շատ ժամանակ կը յատկացնէք Ձեր եւ ձեզ շրջապատող միջավայրին  մասին մտածելով։

2019-ին Ձեր կեանքը մուտք պիտի գործէ մարդ մը, որուն  հետ ներդաշնակ ռոմանթիք յարաբերութիւն պիտի մշակէք։ Եթէ նոյնիսկ ինքնաբաւ մարդ էք եւ ձանձրոյթ զգալու առիթ իսկ չէք ունենար ձեր աշխատասիրութեան պատճառով, նոր յարաբերութեան մէջ ձեր կեանքը պիտի դառնայ աւելի վառ եւ շէն։

ԿԱՂԱՆԴ ՊԱՊՈՒԿ -4-

Դուք շատ գործնական եւ հաւասարակշռուած մարդ էք։ Ձեզի հետ ապրիլը երջանկութիւն կը պարգեւէ ձեր հարազատներուն ու սիրելիներուն, որովհետեւ դուք վստահելի մարդ էք։

Թէեւ յամառ էք երբեմն, եւ չէք ուզեր զգայուն մարդու տպաւորութիւն ձգել ձեր շուրջիններուն վրայ, այնուամենայնիւ 2019-ին դուք պիտի հանդիպեք մարդու մը, որ պիտի գնահատէ Ձեր բարութիւնը եւ պիտի չօգտագործէ զայն։

ԿԱՂԱՆԴ ՊԱՊՈՒԿ -5-

Դուք միշտ ինքնավստահ էք։ Ձեր կեանքին մէջ ամէն ինչ վերահսկողութեան տակ է՝ դուք երբեք ձեր յոյսը այլոց օգնութեան վրայ չէք դներ, այլ բացառապէս կը հիմնուիք ձեր սեփական ուժին ու աշխատանքին վրայ։

Ոչ մէկ բան յետաձգել կը փորձէք, իսկ գոհ կ’ըլլաք միայն այն պարագային, երբ ձեր աշխատանքը աւարտին կը հասցնէք։ Ձեր շրջապատի մարդիկ կը զգան Ձեր ուժը եւ կը գնահատեն զայն։ Շնորհիւ Ձեր յամառութեան եւ պատասխանատուութեան զգացումին՝ 2019-ին պիտի յառաջանաք, շնորհիւ ձեր մշտական ջանքերուն ու անկոտրում կամքին:

Թող Նոր Տարին բարիք բերէ ձեր բոլորին:

 

Share.

Leave A Reply

This site uses Akismet to reduce spam. Learn how your comment data is processed.