ՍԵՐԿԷՅ ԼԱՒՐՈՎ ՈՒ ՏԻԳՐԱՆ ՍԱՐԳՍԵԱՆ ՔՆՆԱՐԿԱԾ ԵՆ ԵՒՐԱՍԻԱԿԱՆ ՏՆՏԵՍԱԿԱՆ ՄԻՈՒԹԵԱՆ ԳՈՐԾՈՒՆԷՈՒԹԻՒՆԸ

0

Ռուսիոյ արտաքին գործոց նախարար Սերկէյ Լաւրով ու Եւրասիական Տնտեսական Համագործակցութեան Յանձնաժողովի նախագահ Տիգրան Սարգսեան հանդիպումի մը ընթացքին ամփոփած են 2018-ին ԵՏՄ մարմիններուն մէջ Ռուսիոյ նախագահութեան արդիւնքները։

Ռուսիոյ Արտաքին Գործոց Նախարարութեան մամլոյ ծառայութիւնը կը հաղորդէ, որ ԵՏՄ միջազգային օրակարգին շուրջ տեղի ունեցած է կարծիքներու հանգամանալից փոխանակում։

Հանդիպումին մասնակիցները գոհունակութեամբ արձանագրած են Միութեան զարգացումը, միջազգային հարթակին վրայ անոր հեղինակութեան բարձրացումը եւ ԵՏՄ–ի հետ համագործակցութեան համար օտարերկրեայ գործընկերներու աճող հետաքրքրութիւնը։

 

Share.

Leave A Reply

This site uses Akismet to reduce spam. Learn how your comment data is processed.