ՆԱԽԱԳԱՀ ՊԱՇՇԱՐ ԱԼ ԱՍԱՏ ԸՆԴՈՒՆԵՑ ՍՈՒՐԻՈՅ ՄԷՋ ՀՀ ՆՈՐԱՆՇԱՆԱԿ ԴԵՍՊԱՆԻՆ ՀԱՒԱՏԱՐՄԱԳՐԵՐԸ

0

«Սանա» լրատու գործակալութիւնը յայտնեց, որ Երեքշաբթի, 11 Դեկտեմբերին, Սուրիոյ նախագահ Պաշշար ալ Ասատ ընդունած է Սուրիոյ մէջ Հայաստանի Հանրապետութեան արտակարգ եւ լիազօր դեսպան Տիգրան Գէորգեանի հաւատարմագրերը: Նախագահ Ասատ ընդունած է Սուրիոյ մէջ Հայաստանի եւ Վենեզուելլայի նորանշանակ դեսպաններուն հաւատարմագրերը, զրուցած է անոնց հետ ու յաջողութիւն մաղթած իրենց առաքելութեան մէջ: Դեսպաններուն ընդունելութիւնը կազմակերպուած է նախագահական պալատին մէջ, համապատասխան արարողակարգերով: Արարողութեան ներկայ եղած են Սուրիոյ արտաքին գործոց նախարար Ուալիտ ալ Մուալլէմ եւ Հանրապետութեան նախագահական հարցերու նախարար Մանսուր Ազզամ:

Share.

Leave A Reply

This site uses Akismet to reduce spam. Learn how your comment data is processed.