ԱՄԱՆՈՐԵԱՆ ԽՈՀԵՐ

0

Ձմրան ցուրտ երեկոներէն մէկն էր։ Դուրսը, ամէն կողմ խոր լռութիւն կը տիրէր, ամայի էր, մարդիկ քաշուած էին տուները։ Ձիւնը իր սպիտակ սաւանով ծածկած էր մայթերն ու փողոցները, ծառ ու ծաղիկները։ Կաղանդի նախօրեակն էր։ Մենք տան մէջ արդէն պատրաստուած էինք ուրախութեամբ դիմաւորելու Նոր Տարին։ Ահա՛ տօնածառը իր շքեղութեամբ, պսպղուն զարդարանքներով եւ գոյնզգոյն լոյսերով տան մթնոլորտը ջերմացուցած էր, իսկ տօնածառին տակ խորհրդաւոր կերպով դրուած էր քարայրը, որ Յիսուս մանուկի ծնունդը կ’աւետէր մեզի։ Այո՛, տօնածառը եւ քարայրը խաղաղութիւն եւ սէր կը տարածեն աշխարհին։ Մայրս, նախապէս, ընտանիքի անդամներուն թիւով նուէրներուն տուփերը զետեղած էր ծառին տակ, որպէսզի Կաղանդ Պապային այցելութեամբ փոխանակէինք իրարու։ Մինչ մայրս զբաղած էր Կաղանդի սեղանը զարդարելով իր պատրաստած համեղ ուտելիքներով եւ չիր ու չամիչով, ես մէկ անկիւնը բազկաթոռին վրայ ամփոփուած կը վայելէի վառարանին տաքութիւնը տօնածառին գեղեցկութիւնը. յանկարծ, մտածումներս տեղափոխուեցան մանուկներու աշխարհ, եւ թէ ինչպէ՞ս Կաղանդ Պապան այդ գիշեր պիտի շրջէր աշխարհի չորս ծագերուն եւ նուէրներ բաշխելով բոլոր փոքրիկներուն ուրախացնէր։ Մտածեցի, թէ կան շատ մանուկներ, որոնք զրկուած են ուրախութենէ, ուտելիք կամ տաքուկ հագուստներ չունին պաշտպանելու իրենց մրսած մարմինները։ Սրտիս խորէն փափաքեցայ եւ խնդրեցի Աստուծմէ, որ այս Կաղանդին, Կաղանդ Պապային տայ կախարդական գաւազանը, որ կարենայ ուրախացնել անպաշտպան ու աղքատ բոլոր մանուկները։

Խաղաղութիւն կը մաղթեմ աշխարհին, առողջութիւն եւ յաջողութիւն ընտանիքիս։

 

Սէրլի Առաքելեան

Ազգ. Միացեալ Վարժարան – Դամասկոս

Է. կարգ

Share.

Leave A Reply

This site uses Akismet to reduce spam. Learn how your comment data is processed.