ԼԱՒՐՈՎ. «ՌՈՒՍԱՍՏԱՆ ԼԵՌՆԱՅԻՆ ՂԱՐԱԲԱՂԻ ՀԱՐՑԻՆ ԼՈՒԾՈՒՄԸ Կ’ՈՒԶԷ ՏԵՍՆԵԼ ԱՐԴԱՐ ԵՒ ՓՈԽԱԴԱՐՁ ԸՆԴՈՒՆԵԼԻ ՀԻՄՔԵՐՈՒ ՎՐԱՅ»

0

Ռուսաստանի Արտաքին Գործոց Նախարարութիւնը կը տեղեկացնէ, որ նախարար Սերկէյ Լաւրով Ատրպէյճանի նախագահ Իլհամ Ալիեւի հետ հանդիպումին ընթացքին ըսաւ, որ Ռուսաստան ամէն ինչ պիտի ընէ, որպէսզի նպաստէ Լեռնային Ղարաբաղի հակամարտութեան լուծումին:

«Մենք կ’ուզենք խթանել Երեւանի եւ Պաքուի միջեւ անմիջական կապը՝ Լեռնային Ղարաբաղի խնդիրի լուծման համար: Գիտեմ, որ Հայաստանի վարչապետի հետ հանդիպում ունեցած էք»,  ըսած է Լաւրով:

Ան յայտնած է, որ Ռուսաստան կ’ուզէ, որ այդ լուծումը տեղի ունենայ արդար եւ փոխադարձ ընդունելի հիմքերու վրայ: «Ռուսաստան իր ազգային կարողութեամբ եւ որպէս Ռուսաստան, Միացեալ Նահանգներ, Ֆրանսա Եռեակի անդամ ԵԱՀԿ Մինսքի խմբակի համանախագահներուն հետ ամէն ինչ պիտի ընէ, որպէսզի նպաստէ հակամարտութեան լուծումին», եզրափակած է Լաւրով:

 

Share.

Leave A Reply

This site uses Akismet to reduce spam. Learn how your comment data is processed.