ՆՍՕՏՏ ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ԼԻԲԱՆԱՆԻ ՄՕՏ ՀԱՅԱՍՏԱՆԻ ՆՈՐԱՆՇԱՆԱԿ ԴԵՍՊԱՆԸ

0

Երեքշաբթի, 20 Դեկտեմբեր 2018-ին, ՆՍՕՏՏ Արամ Ա. Կաթողիկոս Անթիլիասի Մայրավանքի իր գրասենեակին մէջ ընդունեց Լիբանանի մօտ Հայաստանի Հանրապետութեան նորանշանակ դեսպան Վահագն Աթաբէկեան։

Հանդիպումի ընթացքին ընդհանուր ծանօթացումէ ետք, Վեհափառ Հայրապետը կարգ մը հիմնական տեղեկութիւններ փոխանցեց պարոն դեսպանին՝ յատկապէս Լիբանանի ներքին քաղաքական կեանքին, Մեծի Տանն Կիլիկիոյ Կաթողիկոսութեան գործունէութեան, ինչպէս նաեւ Հայաստան­­-Սփիւռք գործակցութեան մասին՝ մասնաւորաբար ներկայ իրավիճակներու լոյսին տակ։ Նորին Սրբութիւնը վստահեցուց, որ Կաթողիկոսութիւնը պիտի շարունակէ իր բոլոր գաղութներէն ներս զօրակցիլ դեսպանատան աշխատանքներուն։

Պարոն դեսպան իր կարգին տեղեակ պահեց Վեհափառ Հայրապետը դեսպանատան յառաջիկայ գործունէութեան մասին եւ շնորհակալութիւն յայտնեց իրեն փոխանցուած տեղեկութիւններուն եւ իր անձին նկատմամբ ցուցաբերուած վստահութեան եւ զօրակցութեան համար։

 

Share.

Leave A Reply

This site uses Akismet to reduce spam. Learn how your comment data is processed.