«ԼՈՅՍ». ԹՈՒՐՔԻՈՅ ՊԱՏՄՈՒԹԵԱՆ ՄԷՋ ԱՌԱՋԻՆ ՀԱՅԿԱԿԱՆ ՊԱՏԿԵՐԱՍՓԻՒՌԱՅԻՆ ԿԱՅԱՆԸ

0

Թուրքիոյ պատմութեան մէջ առաջին անգամ եթեր մուտք գործած է հայկական պատկեռասփիւռային` «Լոյս» թերթին համանուն կայանը: 

Ըստ «Դեմոկրատհապէր»ի, «Լոյս Թի Վի»ն առաջին ուղիղ  սփռումը կատարած է 6 Յունուարին, Պոլսոյ Ս. Վարդանանց եւ Գում Գափու թաղամասի Ս. Մարիամ եկեղեցիներէն` Քրիստոսի Ծննդեան տօնին:

«Լոյս Թի Վի»ի եւ «Լոյս» լրատուական խորհուրդի անդամ Յարութիւն Քուրալ ըսած է, որ կայանը «ծնած է» Ծննդեան տօնին հետ: Անոր համաձայն, այսուհետեւ հայերէն եւ թրքերէն ծրագիրներ պիտի սփռուին: 

Քուրալ յայտնած է, որ կայանին գաղափարը իր հօր` 35 տարիներու լրագրող Արամ Քուրալի նախագիծն էր:

Պատկերասփիւռային կայանըպիտի սփռէ հայ համայնքը հետաքրքրող լուրեր, ինչպէս նաեւ արուեստի, մշակոյթի, մարմնակրթութեան, առողջապահութեան, տնտեսութեան ու քաղաքականութեան առնչուող հաղորդումներ:

Share.

Leave A Reply

This site uses Akismet to reduce spam. Learn how your comment data is processed.