ՔՈՉԱՐԵԱՆԻ ՓԱՍՏԱԲԱՆԱԿԱՆ ԽՈՒՄԲԸ ԴԻՄԱԾ Է ՍԱՀՄԱՆԱԴՐԱԿԱՆ ԴԱՏԱՐԱՆ

0


Ռոպէրթ Քոչարեանի փաստաբանական խումբը հանդէս եկած է յայտարարութեամբ մը, որուն համաձայն պաշտպանները դիմած են Սահմանադրական Դատարան: Յայտարարութեան մէջ յիշուած է. «8 Յունուարին Հայաստանի Հանրապետութեան երկրորդ նախագահ Ռոպէրթ Քոչարեանի փաստաբանական խումբին կողմէ դիմում ներկայացուած է Սահմանադրական դատարան:

Սահմանադրական վէճի հիմնական առարկան կը հանդիսանայ ՀՀ քրէական դատավարութեան օրէնսգիրքի 414․2-րդ յօդուածի առաջին մասի առաջին կէտով նախատեսուած օրէնսդրական կարգաւորումները, որոնք կը վերաբերին Վճռաբեկ դատարանի օրէնքին եւ այլ օրինաչափական իրաւական գործերու միատեսակ կիրառութեան ապահովումի լիազօրութեան, ինչ որ հիմք կը հանդիսանայ վճռաբեկ բողոքը վարոյթ ընդունելու համար:

Յիշուած դրոյթը ինքնին չի յստակացներ, որ Վճռաբեկ դատարանի այդ լիազօրութիւնը որեւէ ձեւով չի վերաբերիր եւ չի կրնար վերաբերիլ ՀՀ Սահմանադրութեան օրէնքներու միատեսակ կիրառութեան ապահովումին, քանի որ նշուած առարկան կը կարգաւորէ Սահմանադրական դատարանին կողմէ: Միաժամանակ իրաւական գործը նշուած օրէնքի ձեւակերպումի հետեւանքով զարգացած է այնպէս, որ Վճռաբեկ դատարանը՝ որպէս վճռաբեկ բողոքը վարոյթ ընդունելու հիմք, կը դիտարկէ սահմանադրական ձեւաչափական միատեսակ կիրառութեան ապահովումը եւ իր որոշումով ալ կը լուծէ նման վէճերը: 

Միաժամանակ, փաստաբանական խումբը այս պահուն կը քննարկէ նաեւ շարք մը այլ հարցերու վերաբերեալ Սահմանադրական դատարան դիմելու հարցը, որոնց մասին տեղեկութիւն կը տրամադրենք յառաջիկային»:

Share.

Leave A Reply

This site uses Akismet to reduce spam. Learn how your comment data is processed.